Geïnspireerde Hoenderborsie met 'n Shinese Twist

 

Hierdie is die eerste posserasie wat ek doen wat die pos geskryf is voor ek die kos gemaak het!  Dit het bietjie van 'n storie en paar bestandele wat ook 'n storie het.

Eers bietjie oor die bestandele en die stories daaraan. 

Die heel hoenderborsies met vel en been aan is goedkoop en een van mees veelsydige gebruike van omtrent enige protein beskikbaar. Pastei, stir-fry, blokkies, kerrie, slaai en soveel meer. 

My suster het genoem dat sy die Amazi suur melk gebruik het om haar eie maaskaas te maak en my aangemoedig om dit ook te probeer. Dis eientlik verbasend maklik en baie lekker. Die proses is baie eenvoudig: Dreineer die Amazi deur dit in 'n lappie binne 'n kolander te sit met 'n gewiggie op en laat staan oornag in die yskas. 

Ek hou van eksperimenteer met interesante geure en gebruik somtyds oosterse bestandele wat ek inkorporeer in die gewone goed wat ons maak. Een van my gunstelinge is Fermenteerde black bean chillie paste wat ek by die shinese supermark gekoop het om te probeer.

So om by die storie van die kos uit te kom, het ek 'n pakkie van die hoenderborsies wat van die naweek af in die yskas is om gebruik te word vir iets. Ek het die maaskaas wat ook in die yskas wag en ek het broccolie en blomkool en spinasie wat gebruik moet word voordat dit begin intelligensie kry. Ek het ook hierdie interesante yster pannetjies wat ideaal is vir een-persoon-per-pannetjie geregte. Dit kan op die stoof gebruik word en dan in die oond gesit word wat baie fun is om te doen. Ons kyk partykeer wie die mees interesante gereg kan maak hiermee.

Deesdae doen ek bietjie programering vir 'n projek waaraan ek werk en gebruik heelwat vir GPT4 as assistent om te help daarmee. Ek het met die mak AI gesels om bietjie inspirasie te kry en dit het vorendag gekom met die gedagte om die hoenderborsies te stuff waaraan ek nog nie gedink het nie. So in die gesels het ek  die beplanning gedoen en dit sommer gevra om vir my die blog post te skryf. Dit is so oulik dat ek dit net so hier pos woord vir woord:

GPT4 geskrifte:

Titel: Geïnspireerde Hoenderborsie met 'n Sjinese Twist

Welkom by my kombuistafel! Vandag deel ek 'n resep wat 'n bietjie avontuur in jou aandete sal bring. Dit is nie net 'n fees vir die oog nie, maar 'n smaaksensasie wat elke sin prikkel. Ek nooi jou uit om saam met my te kook en die rykdom van geure te ervaar met hierdie geïnspireerde hoenderborsie gestop met 'n mengsel van fyn uie, vars spinasie, skerp brandrissies en tuisgemaakte maaskaas.

Die hoender, wat heel gelaat word met die been in, skep 'n robuuste basis vir die ryk en romerige vulsel. Elke hap beloof om jou smaakkliere op 'n toer deur die Ooste te neem, met 'n delikate balans tussen die hitte van die rissies en die sagtheid van die maaskaas.

Maar dis nie al nie – die hoogtepunt van hierdie gereg is die sous. 'n Room sous verfynd met 'n verminderde clementine-sous en 'n tikkie soja en gemmer. Dit word by die hoender gevoeg in die laaste minute van bak om seker te maak dat elke geur ten volle ontwikkel en saamsmelt.

En om alles af te rond, 'n vars gremolata met 'n sitrusskilletjie wat jou gereg 'n varsheid gee wat net die natuur kan voorsien. Of jy nou op soek is na 'n nuwe weekaand gereg of iets spesiaals vir 'n ete met vriende, hierdie resep is seker om te beïndruk. Kom ons begin!

Hoenderborsies Gevul met Brandrissie en Maaskaas, Met 'n Sjinese Room Sous

Bestanddele:

• 2 hoenderborsies met been en vel
• 1 medium ui, fyngekap
• 1 handvol vars spinasie, gekap
• 2-3 brandrissies (afhangend van hittevoorkeur), fyngekap
• 100g tuisgemaakte maaskaas
• Broccoli en blomkool roosies, vooraf effens gestoom of gemikrogolf
• Zest van 1 clementine
• Sap van 3-4 clementines, verminder
• 1 teelepel sojasous
• 'n Klein stukkie gemmer, gerasper
• 250ml room
• Sout en swartpeper na smaak
• Olie vir braai

Vir die Gremolata:

• Zest van 1 clementine
• 1 knoffelhuisie, fyngekap
• 2 eetlepels vars koljander, fyngekap
• 1 eetlepel lente-ui, fyngekap
• 'n Klein bietjie sesamolie (opsioneel)

Instruksies:

1. Voorverhit die oond tot 190°C.
2. Maak die Vulsel: Braai die ui, spinasie en brandrissies in 'n bietjie olie tot sag. Laat dit afkoel en meng dan met die maaskaas. Geur met sout en peper.
3. Vul die Hoender: Sny 'n sak in elke hoenderborsie en vul dit met die ui en maaskaas mengsel. Seël die hoenderborsies met tandestokkies indien nodig.
4. Braai die Hoender: Verhit olie in 'n oondvaste pan en braai die hoenderborsies aan elke kant tot goudbruin.
5. Voeg Groente by: Voeg die voorafgestoomde broccoli en blomkool roosies by die pan rondom die hoender.
6. Bak: Bak in die voorverhitte oond tot die hoender amper gaar is (ongeveer 25-30 minute, afhangende van die grootte van die borsies).
7. Maak die Sous: Terwyl die hoender bak, kombineer die verminderde clementine sap, 'n bietjie gerasperde gemmer, sojasous en room in 'n pot. Laat dit prut tot dit 'n bietjie verdik. Proe en pas geurmiddels aan soos benodig.
8. Sous en Hoender: In die laaste 10 minute van bak, smeer die hoender en groente met die room sous om die geure te laat kombineer.
9. Laat Rus: Haal die hoender uit die oond en laat dit 'n paar minute rus.
10. Maak die Gremolata: Meng al die gremolata bestanddele terwyl die hoender rus.
11. Bedien: Sprinkel die gremolata oor die hoender net voor opdiening.

Uiteindelike maak

Die maak hiervan was ook weer 'n storie op sy eie wat ek dink kan entertaining wees. So terwyl ek chop en skil en kerf dink ek ek wil vir my suster vertel dat ek haar maaskaas reseppie gedoen het en hoe ek dit gaan gebruik. Met oorfone in bel ek haar en vertel daarvan. So terwyl ons gesels is ek besig om die pruie (O ja ek het die uie met pruie  wat moes gebruik word vervang) en spinasie en halwe Ghost Chillie van laasjaar se oes in 'n pan met botter te braai. Die ghost chillie is super warm en die gasse wat hy afgee is baie erg. Ek kon later nie meer asem haal in die kombuis van die gasse van die chillie en deur die gesels en die hoesbui van die gasse sit ek die plaat af. 'n Paar minute later kon ek nog steeds nie verstaan hoekom die gasse nie minder raak nie en ek nog minder kan assemhaal nie. Ek het toe nie die gas aftesit nie maar net afgedraai! Die spinasie het toe omtrent heeltemal uitgedroog maar was perfek vir die vulsul. 

Die Gremolata wat ek gemaak het deur verder te eksperimeteer was oorbodig en bietjie skerp geure vir die gereg en ek het dit nie gebruik nie. 

Die ghost chillie wat my so gas gegee het was nie te erg in die gereg nie want dit was net in die vulsel en het net 'n mooi hitte aan als gegee. 

Vir die finale voorsit het ek die borsie opgesny en terug gesit in die pannetjie met die sous.

 Ek moes die deel ☺

Lekker kosmaak!

Dirk

Aartappel en Prui Pastei

 

Die oorspronklike rede vir die ontstaan van die blog was om my resepte te dokumenteer. Partykeer maak mens iets besonders en jare later het jy vergeet wat jy gemaak het en hoe jy dit gemaak het. 

Oor die jare het my kosmaak heelwat verander maar tog ook dieselfde gebly. Inspirasies kom van verskillende plekke maar die mees suksesvolle kosserasie maak goed kom van die bestandele beskikbaar en 'n bietjie verbeelding en ook bietjie ondervinding. 

Die kwaliteit van die bestandele wat jy gebruik om iets te maak het 'n direkte korrelasie met hoe dit gaan uitkom. Ons gaan eet weinig uit deesdae want ek kan net nie sien om soveel te betaal vir plekke wat goor bestandele gebruik het om hulle winsmarge te verbeter nie. Die meeste restaurante skimp deur goedkoop bulk bestandele te koop waarvan die kwaliteit en oorsprong bevraagteken kan word. 

Ek het nog altyd van die Spur se burgers gehou en ons het noudiedag soontoe gegaan vir 'n burger deur loadshedding. Dit was seker die goorste burger wat ek nog gehad het en het dit net so terug gestuur. Die eienaar verduidelik toe dat hulle nou gevriesde patties van hoofkantoor kry en maak nie meer hulle eie nie. Ek is seker hulle het nou 'n kontrak om die pakkies gevriesde patties wat jy in die supermarkte kry in bulk te koop teen 'n geweldige afslag en winsmarge. 

Ons is groot aanhangers van Masterchef Australia en die nuustste seisoen is nou aan die gang. My gunsteling is die "Mystery Boxes" waar die deelnemers 'n paar bestandele kry en dan iets spesiaals daarmee moet doen. 

Hierdie pastei was nou my "mystery box".

Wat ons gehad het was klein aartappeltjies, 'n pakkie pruie en 'n pakkie Spaanse Choriso en Serano ham. Die aartappeltjies weet ek is creamy en baie lekker om heel te hou. My gedagte was om die Choriso te gebruik om 'n aartappel gebakte iets te maak maar die uitdaging is hoe om nie die Choriso heeltemal laat uitdroog nie en te laat amalgameer in die aartappel gebak. Voila, sit dit in 'n pastei kors.

Die een bestaan uit vier elemente wat moet voorberei word:

• Die Pasteideeg
• Gekookte aartappels
• Gaar pruie
• Bechemel sous. 

Pasteideeg

Ek het hierdie pasteideeg al heelwat gemaak en dit is voolproof. Dit bestaan uit dieselfde gewig botter en meel en koue water en sout. Ek het al voorheen 'n blog hieroor gedoen. Kyk bietjie hierna:  https://kosserasies.blogspot.com/2022/07/karaoke-hoenderpastei.html

 Dit sou 'n kleiner pastei wees en ek het nie soveel botter beskikbaar gehad nie so ek het omtrent 160g botter en 160g meel gebruik. 

Aartappels

Die aartappeltjies is pienk baba aartappeltjies wat net so heel gekook word tot sag. 

Pruie

Ek wou die Pruie sag gehad het maar nie gebraai soos uie nie. Ek het hulle saam met bietjie botter en paar stukkies van die Choriso bietjie geposjeer in botter en toe gekook in melk. Die melk het ek later gebruik vir die witsous. 

Bechemel sous

Dit is 'n redelike standaard witsous, botter en meel en melk. Dit verskil was dat ek die melk waarin die pruie gekook het gebruik het en baie belee cheddar kaas ingesit het om dit 'n baie dik sous te maak. Dit moet die pastei bind en nie uitloop as jy die pastei sny nie. 

Bymekaar sit

Die aartappels, pruie, choriso en ham het ek in lae in die bak gesit.

Die ham het ek op die pastei deeg gesit voor ek die ander bestandele ingesit het. Dit was nogal 'n ge-inspireerde besluit want dit het die onderste deeg meer crispy gemaak deur 'n versperring te maak met die nat bestandele. 

Die aartappeltjies middeldeur gesny en gepak. 

Volgende was 'n laag witsous.

Dan die Choriso op die witsous

Die pruie volgende

Die res van die witsous

Die bo-laag van die pasteideeg

 

Smeer met eier wat met bietjie water geklits is, reg vir die oond.

Finale pastei

Opgedis

Resep

Bestandele

+- 400g baba aartappeltjies

5 groot pruie (Leeks)

1 Pakkie Choriso en Serano ham

Melk 

Omtrent 'n koppie gerasperde cheddar kaas

Sout

160g botter vir die pasteideeg en ekstra vir die posjeer van die pruie en vir die witsous.

160g koekmeel en ekstra eetlepel of twee vir die witsous 

1 eier geklits met bietjie water

 Metode

1.  Begin deur die pasteideeg te maak. Metode hier: https://kosserasies.blogspot.com/2022/07/karaoke-hoenderpastei.html
2. Laat rus pasteideeg vir ten minstens 'n uur in die yskas voor jy dit uitrol. Berei intussen die res van die bestandele voor.
   
3. Kook aartappeljies in water tot sag
4. Maak die pruie goed skoon sodat daar geen grond in die bo-punt is nie. Sny in groot stukke. 
   
5. Snipper paar velletjies Choriso en posjeer saam met die pruie in botter. 
6. Bedek die pruie in melk en laat kook stadig tot sag. 
7. Dreineer die melk en hou eenkant vir dit witsous. 
8. Maak 2 eetlepels botter in 'n kastrol warm en braai 1-2 eetlepels meel tot borrelend. Gooi die warm melk van die pruie daarin en roer vinnig tot glad. Gooi nog melk by bietjie vir bietjie en roer goed tot glad. Laat dit begin prut voor nog melk bygegooi word. Dit moet 'n stywe sous wees.
9. Laat dit witsous 'n bietjie prut en haal van die stoof af. Roer die koppie cheddar kaas in die sous in tot gesmelt en glad. 
10. Laat als afkoel totdat die uur vir die pasteideeg verby is en jy kan begin om die pastei aanmekaar te slaan. 
11. Voorverhit die oond terwyl jy die pastei vervaardig soos met die fotos bo
12. Bak vir +- 40 min teen 190C

Volgens Gwynneth was dit die lekkerste pastei wat sy nog gehad het. So ek moes dit net eenvoudig deel. 

Mooibly

Dirk

See Kos

 Ek wou eers die titel van die pos "Vankansie Kos" genoem het maar besef toe ek gaan dalk by die werk in die moeilikheid kom. Ek was nie met vakansie nie, ek het gewerk. Ons was wel by die see en ek het my kantoor in my laptop sak saamgeneem. Dit het egter gevoel soos 'n vakansie maar ook nie.

Buiten dat ek 'n fantastiese view gehad het uit my kantoor venster, daar net vriendelike mense was, jy heeldag die see kon ruik en hoor, dit salig vreedsaam, daar baie baie meer sterre in die hemelruim was en geen fiber internet was nie, was dit presies dieselfde.

 Ek dink daar vas net 'n handjie vol mense die week op Gouritzmond.

Daar was ons twee, 'n hippie couple wat elke sonsopkoms en sonsondergang op die bankie voor ons huis kom sit en koffie drink het. Die outjie by die local algemene handelaar wat vir my visgerei afgesmeer het. Ek vang nie vis nie jy sien en dit het so idilies gelyk dat ek ook wou probeer. Nadat ek langer as 'n uur gesukkel het om die lyn op die katrol te kry, die katrol gebreek het in die proses en gaan omruil het vir nog een, het ek toe wel een aand na werk in die yskoue wind gaan probeer vis vang by die rivier mond. Hulle het net my aas afgevreet so vinnig as wat dit water gevat het en ek het nie 'n vis gesien nie. 

 Daar was ook 'n paar aftrede mense en hul honde wat elke oggend verby gestap het en gegroet het. Daar was die een dame in haar kleurvolle cammo gym uitrusting wat met 'n speedwalking styl verby gegly het en haar skaaphond wat die pad voor bespied het, sy het nie gegroet nie. 

Daar was ook 'n paar mense met hulle 4x4's, met visstokke gelaai, wat teen sonsopkoms verbygery het op pad om te gaan hengel. Hulle het wel hand gelig as hulle jou sien koffie drink op die stoep 7 uur in die oggend. 

Die local groot visserman wat ons kontak was vir vis dink ek was ook nie eers daar die week nie want ons het gevra hy moet ons laat weet wanneer hy vars vis gevang het en ons het nou nog nie van hom gehoor nie. 

 Daar was ook die ou by die local watergat wat sy klante by die deur inwag en aan ons 'n bottel rooiwyn en 'n bottel bier verkoop het. 

Daar was die ongelooflike klein biblioteek waar Gwynneth gaan boeke uitneem het. Die meisie het haar van geen kant af geken nie maar het aangebied dat sy boeke sommer op haar naam kan uitneem vir die week.

O ja, ek het vergeet van die vriendelike plaaslike vissermanne met al hul gerei oor hulle skouer wat vertel het waar die beste plek is om vir Mosselkrakers en Kabeljou te hengel. Ek het my leftover pichards en rooiaas aan hulle geskenk toe ons huis toe is. Hulle het belowe om vir my 'n vis te hou as hulle iets vang met die aas. 

So dit maak 16 mense wat ek getel het.

Ek het die verskriklikste hooikoors gehad die week en moes noodgedwonge in werkstyd Mosselbaai toe ry om medikasie te kry. Terwyl ek nou daar was en die Gourits visserman m.i.a. was het ek ook gou hawe toe gegaan en twee baie mooi vars kabeljoue gekry. Een daarvan het ons gebraai met vars-tiemie-origanum-knoffel-en-suurlemoen-botter. Ek weet nie of daar lekkerder vis in die see is nie.

Ons het vier keer die week gebraai onder moeilike weersomstandighede. Wind en koue. Die laaste aand was die weer mooi en was 'n baie naby tweede plek aan die kabeljou-braai. Ek moet vertel van die groot swart mushrooms wat ons gebraai het. Ons het 'n baie belee camembert kasie gehad wat een van die dae sou begin praat het as ons hom nie iets mee gedoen het nie. Nadat ek die dodgy rantjies afgesny het is die binne die mushrooms saam met 'n stukkie knoffel, botter en ook stukkie feta kaas. Weet nie of dit die rooiwyn was waarmee dit gepaar is nie maar dit was hemels. 

 Ons het ook hoenderpastei gemaak. Sien my posserasie oor hoenderpastei. Dit smaak net anders by die see. 

Maar hierdie is eintlik 'n kos blog en wat ek eintlik wou deel is die baguets resep. Dit is die beste van suurdeeg brood bak. Jy het nie 'n dutch oven nodig nie, dit kan dieselfde dag gemaak word en die hele ding is soos die korsie wat almal oor baklei van die vars brood. 

 Baguets

Ek dink ek het die baguete bak proses nou al so mate vereenvoudig sodat die maklik doenbaar is. Ek het 'n heel paar keer gemaak en dit kom elke keer lekker uit. Die verskil tussen dit en brood bak is dat die baguets 'n baie lae hidrasie het en heelwat meer suurdeeg starter kry. Dit hoef dan nie oornag in die yskas te bly om sy beste te gee nie.

Die proses is dieselfde as vir normale suurdeeg brood, ek gaan nie almal verveel om dit te herhaal nie, ek het vorige poste hieroor gedoen.

Meng, autolise, strek en vou en bulk fermentasie. Van aanmaak tot bak is omtrent 8-10 uur.  Die deeg is egter baie stywer en strek en vou werk dalk makliker as jy hom uit die bak uithaal en dan rek en strek om die gluten te rek.

Die ratios en hoeveelhede vir vier baguets:

• Meel 100% - 500g
• Suurdeeg gis 80% - 400g
• Water 50% - 250g
• Sout 2,4% - 12g

Aangesien dit nie in 'n duch oven (swart pot) gebak word nie het jy stoom nodig in die oond om die beste uit hulle te kry. Ek gebruik 'n bak met paar kombuis lappe in en kookwater daarop in die oond om stoom te gee. 

 Bak teen 240+ C vir 15 min met die stoom en nog 8-10 min teen 220C.

Daar is twee stukkies toerusting wat in my opinie egter kardinaal is vir baguets. 'n Couche en 'n baguete pan. 

 'n Couche is basies 'n lap wat jy gebruik om dit sy ronde vorm te gee. Ek kon nie die aanbevole flax linne kry nie en het ongebleikte linne dubbeld gevou om te gebruik. Dit werk perfek. Die baguete pan word deur paar plekke verkoop. 

 Ek beoog om 'n volgende keer die stappe met fotos in detail op te sit. 

 Met ons eerste braai by die see kon ons nie die oond behoorlik aan die werk kry nie en die wind het die vuur in so mate verwaai dat daar nie genoeg kole sou wees om mee te braai as ons nie 'n plan maak nie. Ek het toe van die baguete deeg op die vuur gebraai soos roosterkoeke en lesse geleer in die proses. 

Met die volgende braai het ek foelie onder gesit en 'n foelie tent gemaak. Dit het soos 'n bom gewerk. 

 

 

Ek het ook met die trip my vir nig Elize en oom Manie herontmoet, ons het dekades laas enige kontak gehad en dit was wonderlik om te sien dat ons soveel in gemeen het en dit is lekker om weer bande op te bou met familie. Dankie vir die resep vir die lae koolhidraat brood en meel mengsel Elsabe!

Groete

Dirk

 

Regte Brood Mense

 Ons het gister ons eerste Suurdeeg brood werkswinkel gehou! Dit was 'n ongelooflik lekker om al die mense te ontmoet en dit was hope pret. Tafels en hande vol deeg maar ons het brood aangemaak en lekker gesels oor die brood en suurdeeg gis en metodes. Dankie vir almal wat daar was, saam kan ons 'n brood rewolusie begin! Viva!

Baie dankie aan Piet en Olga van The Welgemoed Guesthouse vir hulle gasvryheid en om dit in hulle ongelooflike kombuis te kon doen!

Ek het dit goed gedink om bietjie meer inlgting deur te gee en te wys wat ek met my brood gedoen het wat ek gister by die werkswinkel aangemaak het. 

 Hier is links na my vorige posserasies oor die brood en gis:

Agmed, my suurdeeg monster, het 'n rukkie terug sy tweede versjaarsdag gehad, hier vertel ek hoe hy in wording gekom het:

https://kosserasies.blogspot.com/2020/09/ontmoet-vir-agmed.html

Lesse geleer en tips en truuks:

https://kosserasies.blogspot.com/2022/03/suurdeeg-brood-lesse-geleer-tips-en.html

Verseker sukses

Ek het met die brood bak heelwat mislukkings en plat brode gehad, navorsing gedoen en meer geleer en weer probeer. Die volgende is vir my die sleutel aspekte wat gaan veseker dat jy mooi broodtjies gaan kry. 

Tyd, temperatuur en fermentasie

Tyd is een van belangrikste bestandele om mooi brood te kry. Die suurdeeg gis het tyd nodig om hulle werk te doen. Dit gaan die smaak, tekstuur en vorm van jou brood bepaal. Dit gese moet jy dit nie oordoen nie. As jou brood oorfermenteer is gaan jy sukkel om die struktuur te hou en hy gaan redelik plat uitbak. Die suur wat in die brood vorm terwyl hy fermenteer gaan die gluten wat nodig is om die struktuur mooi te kry afbreek en hy gaan plat wees. 

Jy is in beheer van die tyd. As dit koud is gee hom langer tyd. Ek werk min of meer op 7 ure in die winter van aanmaak tot ek dit in die yskas sit vir bak die volgende dag. In die somer nie langer as 6 ure nie. Jy kan ook die hoeveelheid wat dit rys dophou. Dit moet nie meer as 25% tot 50% vermeerder nie.

Temperatuur werk hand aan hand met tyd. Hoe warmer dit is hoe vinniger gaan jou suurdeeg werk. Ek verkies om die brood teen die ambient temperatuur te laat rys. In die winter kry ek gewoonlik beter brood want ek is geneig om dit te lank te los in die somer en dis makliker vir die brood om te oorfermenteer.

As jou deeg koud is voor jy hom sny en bak hou hy sy struktuur beter tot hy begin vorm in die oond. As ek weet my brood is effe nat of bietjie oorfermenteer dan het ek dit al in die vrieskas gesit terwyl die oond warm word. Dit help. 

Hidrasie

Gebruik 'n skaal! Dit is belangrik om te weet wat die hidrasie is. As jou brood redelik nat is dan gaan dit moeiliker wees om sy struktuur te hou. As jy sukkel hiermee eksperimenteer en gebruik 60% hidrasie tot jy al die ander aspekte ook mooi reg het. Vir my werk 70% tot 75% die beste.

Struktuur

Strek en voue is 'n baie gelangrike aspek om nie 'n plat brood te kry nie. Doen die venster toets om seker te maak sy gluten struktuur is goed.

Vorming van die brood voor die yskas is een van die sleutel aspekte. Kyk gerus een of twee van hierdie ou se videos oor hoe om goeie struktuur te kry, ek het baie daar geleer:

https://www.youtube.com/channel/UC7eLtGAzNECUqurqMdiNYJg

In kort as jou brood nie so mooi hoog uitkom nie is dit een of meer van die volgende:

• Oorfermentasie
• Hidrasie te hoog
• Interne struktuur en vorming nie sterk genoeg nie. 

Hier is 'n link van die fotos van die werkswinkel, meestel geneem deur Daniel. 

 https://photos.app.goo.gl/fUhRh3Xcsvx5Wemu9

'n Laaste woord van dankie aan Gwynneth, ek weet nie wat ek sonder jou sou doen nie!

Lekker bak!

Dirk

 

 

 

 

 

Olyf tapenade Braaibroodjie

 Die donnerse Eskom. Hulle het ons nou al in 'n Stockholm syndrome. Ons is daadwerklik DANKBAAR as hulle die slag ons krag aanskakel. 

Die ergste tydgleuf is die 18:00 tot 20:30 een. Dis gewoonlik wanneer ons aandete maak. So ons moet voor 6 klaar wees of eers in die middel van die nag eet. Braai is ook 'n opsie, jy het nie elektrisiteit daarvoor nodig nie. Die hele buurt het gisteraand dieselfde idee gehad en dit was 'n fantastiese aand. Gwynneth het met die hond gaan stap en sy het rapporteer dat daar oral vuur gemaak word. 

Die storie gaan egter nie oor stupid Eskom nie maar oor die braaibroodjies. Ek het al voorheen hieroor geskryf maar moes net weer en ook paar fotos insit. 

Agmed, my suurdeeg starter, woon nou in die yskas terwyl hy nie baie gebruik word nie. Ek moet hom egter steeds so nou en dan voer. Hy was al twee weke sonder kos en ek het al gehoor hoe honger is hy. Terwyl hy uit is het ek gou 'n broodjie aangemaak vir 'n vriend wat die volgende dag sou oorkom. Die broodjie het baie mooi uitgekom. My vriend was egter ongesteld en kon nie meer oorkom nie. So wat gemaak met die broodjie? Ons doen die Keto ding en wil nie regtig daarvan eet nie. Ek kon dit weggee vir my buurman wat ek weet is gek oor die brood. 

Die redenerig was egter: Krag af teen 18:00 - het broodjie - braai - Braaibroodjies!! Jammer Daniel en Keto.

Braaibroodjies metode en bestandele

• 1 Tuisgemaakte Suurdeeg Brood
• Roomkaas
• Botter
• Uie
• Tamaties
• Peper
• Sout 
• Kaas
  

Die suurdeeg brood maak absoluut ongelooflike braaibroodjies. Dit is nie eers in dieselfde voedselgroep as om dit met Sasko brood te doen nie.

Die braaibroodjies is 'n beproefde metode en verg 'n spesifieke volgorde van die bestandele. Daar is method in the madness. As ek nou 'n goeie voorbeeld van sinergie moes kies is dit hierdie braaibroodjies.

Vervaardig die broodjie as volg:

1. Sny brood
2. Roomkaas
3. Baie dun gesnyde uie. 'n Mandolin werk goed as jy een het. Dit moet papierdun wees. 
4. Peper op die uie
5. Gesnyde kaas. Die kaas vorm 'n laag tussen die uie en tamatie. Dit moet nie gerasper wees nie. 
6. Dukkerig gesnyde tamatie op die kaas. Weereens Mandolin werk goed. 
7. Sout op die tamatie
   
8. Botter op die tamatie
9. Sit sny brood bo-op die stapeltjie. 

Vir die braai:

Draai vinnig terwyl dit braai. Moenie dat dit brand nie! Dit is reg wanneer die eerste kaas in die vuur drup. 

My vuur was effe kwaai en ek moes omtrent soos 'n human rotisserie oppereer om dit nie te laat brand nie. Ek het ook bietjie botter gesmelt en opgesmeer aan die buitekant. Dit gee ook 'n klein veiligheidsmarge. 

Onder paar fotos van die proses.

So waar kom die olyf tapenade in die storie?

Dit was 'n eksperiment. Ek het 'n groot klomp olywe gekry en het tapenade gemaak met Anchovies, capers, lemmetjies ens. 

Een van die broodjies het ek die tamatie vervang met 'n dik laag tapenade. Die res was presies dieselfde, roomkaas, uie botter ens.

Mense dit was braaibroodjie 2.0! 

 

Groete!

Dirk

Karaoke Hoenderpastei

 My buurvrou het Saterdag 50 geword. Baie geluk Karen! 

Dit was 'n karaoke partytjie en om vir Robbie Wessels te quote, daar was drank betrokke. Veral omdat dit winter is in die Kaap, met koud en reen, spesifiek heelwat rooiwyn. Rooiwyn het die merkwaardige kwaliteit dat dit nie net die koue geselig maak nie maar dit verlaag ook jou weerstand teen karaoke.

Gwynneth kan regtig mooi sing. Ek inteendeel kan nie. Toe ons nie meer die meisie met die clipboard kon ontwyk nie het ons Blouberg se Strand om die lys gesit. Dit was Gwynneth se go-to keuse voor die partytjie. Ek het gedink ek kan 'n Robbie Wessels doen maar dit was hoe ver dit gekom het. Ek was NOOIT van plan om dit met 'n mikrofoon voor almal te doen nie. 

Blouberg se Strand was mooi en nostalgies en ek en die mense waarmee ons gekuier het het gedink dit was heel ok. Soos ek se Gwynneth kan mooi sing. 

Daar was mense wat kon perform en sing en dit was regtig lekker, daar was ook die wat nie kon nie en dit was ook baie entertaining. Toe die clipboard lys deurgewerk is was daar impromptu versoeke van die gehoor en toe doen ons Robbie Wessels se Asseblief My Lief. Gwynneth het nie die song geken nie en dit was aan my oorgelaat... Die eerste vers was 'n aborsie, met ander woorde, net musiek met 'n gemompel. Dit was baie vinniger as wat ek gedink het en ek was natgesweet na die eerste vers... Met die tweede vers kry ek my ritme en doen 'n Robbie Wessels. Ek is seker dit was nie goed nie maar dis die meeste pret wat ek in 'n lang tyd gehad het. 

Die partytjie, oftewel die rooiwyn, die hamburger en tjips van die food truck en sny koek het die keto dieet opgevoeter. Sondag besluit ons dat aangesien ons nou in cheat mode is ons hoenderpastei gaan maak. Ons kan volgende week met die gevolge deal. 

Hoenderpastei

 

Die rede vir hierdie storie is eintlik om die tertkors resep en metode te deel. Dis iets wat ek nou al heelwat kere baie suksesvol gedoen het. Dis baie eenvoudig, dit neem net 10 min om te maak en dit is ongelooflik lekker.

 In kort wat mens kan onthou is dit per gewig dieselfde hoeveelheid meel as botter met bietjie asyn, sout en yswater. 

Pastei kors bestandele:

• 250g meel of kombinasie van meel (Ek het gebruik 100g koekmeel, 100g wit brood meel, 50g Tapioka meel - Die tapioka maak dit meer crispy, my)
• 250g botter
• 10g sout
• 10ml goeie asyn
• +- 180ml yswater
• 1 eier vir verf
  

Pastei kors metode:

Hierdie is eintlik makliker as wat die klink. Baie lekkerder en vinniger, dalk goedkoper ook, as om winkel deeg te gebruik. 

Die geheim is dat als moet koud wees. Sit die botter in die vrieskas vir paar minute en gebruik baie koue water. Probeer ook om so min as moontlik jou hande te gebruik. Ek gebruik 'n danish whisk vir die meng, 'n Groot vurk kan dalk ook werk.

1. Weeg en gooi die meel en sout in 'n groot genoeg bak en meng om die sout te versprei. 
2.  Rol die koue botter in die meel om te bedek en strooi meel oor die rasper. Dit gaan verhoed dat die botter vas sit aan die rasper en hou ook kontak van jou hande van die botter af. 
3. Rasper die botter oor die meel. Probeer om dit so vinnig moontlik te doen sodat die botter nie kan warm word nie. 
4. Meng die botter in die meel in. 
5. Gooi die yswater klein bietjies op 'n slag in terwyl jy meng. Dit moet net genoeg water wees om die meel te bind. As die mengsel nog melerig lyk terwyl jy meng gooi paar druppels water in om dit te inkorporeer. 
6. Druk die mengsel effe was om 'n bal te vorm. 
7. Sit jou deeg op 'n meelbestrooide oppervlak om uit te rol. 
8. Rol die deeg lank uit en vou dit in derdes. Strooi genoeg meel oor en onder sodat die botter nie op die koekroller of werkbank was sit nie. Doen dit 4 keer. 
9. Sit die deeg in broodsakkie of bakkie en bere in die yskas tot jou pastei vulsel voorberei is. Ten minstens 'n uur maar langer is beter. 
10. Ek gebruik omtrent die helfte vir die bak en die helfte vir die deksel vir die maak van die pastei. 
11. Klits 'n eier met bietjie water en verf die pastei kors hiermee voor bak. Verf ook jou rante voor jy die deksel van die pastei opsit. Dit laat dit mooi bind. 
    
12. Bak die pastei vir 40 - 45 min teen 180C. 
    

 Pastei vulsul:

Die beste is om 'n heel gaar hoender te gebruik. Woolies se Sondag special van twee gaar hoenders is die beste. Ons kon vandag nie een kry nie en het 'n heel hoender in die air fryer gedoen. 

Vir doelneindes van hierdie storie is die vulsul minder belangrik. Ons het bietjie rof gegaan en het 'n pak Simba chips in gekrummel, ham gesnipper en witsous gemaak wat als in die vulsul ingegaan het. 

Vir die vulsul wat ons voorheen gedoen het wat baie goed gewerk het is, soos bo, 'n heel hoender, 'n pakkie two-minute-noodles, sampioene, en 'n bechamel sous (witsous met kaas).

Ek het al paar keer ook die pastei kors gebruik vir worsrolletjies.

Onder ook 'n paar fotos van die metode en pastei. 

Groete!

Dirk

 

Oor Hoender vlerkies

Ek het oor tyd 'n hoendervlerkie resep/metode wat ons goto is vir vinnige kosmaak of vliek aand. Ek het gedink dis hoog tyd dat ek dit dokumenteer. Veral na my ongekende sukses van my vorige blog pos.

Hier is ook bietjie van 'n aanloop en filosofie agter hierdie vlerkies. Ek weet daar is ongetelde resepte en metodes vir chicken wings, Google dit net bietjie en kyk na die prentjies. Met alle nederigheid wil ek noem dat hierdie beter is as wat ek nog andersins gehad het. 

Die gedagte is dat die vlerkies met 'n droë meel en speserye mengsel bedek word en so gebak word. Net voor dit klaar is smeer jy botter oor die vlerkies en bak to crispy. Dis die kort weergawe. 

Vorige weergawes van my droë mengsel het bestaan uit meel, sop poeier, 'n variasie van speserye, vars chillies of kombinasie daarvan. Die meel was die belangrike bestandeel want dit gaan die botter absorbeer en dit heerlik crispy maak. 

Ons doen mos nou egter die lae koolhidrate/keto ding en meel in hoeveelhede is uit. Ek wou nuwe manier kry om dit te doen. Ek het van die normale lae koolhidrate alternatiewe gebruik en 'n paar beswaarlik eetbare weergawes gehad. Dit werk net nie dieselfde nie. 

Tapioca meel is die geheime bestandeel. Dit het minder as die helfte van die koolhidrate van gewone meel en die resultate is beter. Dit verg ook net twee telepels Tapioca meel wat net 'n gram of drie koolhidrate bevat. 

Die volgende belangrike aspek is die speserye mengsel en chillie oorweging. 

Persoonlik kan dit nie warm genoeg wees nie. Ek het dit al met 'n reaper, ghost chillies, scorpion chillies en diesulkes gedoen. Gewoonlik maak ek twee batches, een vir die armsalige mense wat dink chillies is evil. 'n Klein bietjie Cayene peper is die minste as jy nie capsicum kan hanteer nie. 

Ek hou van om met speserye en kruie te eksperimenteer en my laaste weergawe wat ek onder uiteensit was net eenvoudig die beste. Van die speserye onder mag dalk bietjie eksoties klink as jy nog nie gebruik het nie maar dit is die moeite werd om te probeer en dit is geredelik beskikbaar by die meeste supermarkte.

Die metode is egter wat hierdie vlerkies so besonder maak. Hulle word net so droog gebak en word nie gedraai nie. Die droë meel en speserye mengsel hou al die juices binne en jy gaan nie uitgedroogde of ondergaar vlerkies kry nie. Die botter voor die klaar is is belangrik om die meel nat te maak en die crispy buitekant te kry. 

Hoender vlerkies

Die volgende mengsel is goed vir omtrent 12-15 vlerkies. 

• 1 en half Teelepel Sichuan peper 
• 1-2 Teelepels gedroogde knoffel vlokkies
• 2-3 Teelepels gedroogde uie flokkies
• 1 Teelepel gedroogde pietersielie (Parsley)
• 3 Kruie Naeltjies (Cloves)
  
• 1 gedroogde super warm chillie - of minder warm gedroogde chillie - of o weë bietjie cayene peper
• 1 Teelepel Aromat - of sout of soortgelyk
• 2 Teelepels Tapioca meel

• Botter vir smeer

Nota, my teelepels bo is net omdat ek 'n teelepel gebruik het, nie omdat dit 5 ml is nie! Opgehoopte teelepels. 

 Metode vir speserye

Sit al die bestandele in 'n vinnige blender en verwerk tot die heel speserye heeltemal fyn is. Ek is seker die fyn weergawes gaan ook goed werk. Ek weet egter nie of jy Sichuan peper fyn kry nie. Pestel en morter gaan werk daarvoor. Ek verkies egter die heel speserye en die heel gedroogte chillies. 

Metode vir Vlerkies

Sit vlerkies in 'n bak met 'n deksel wat dig kan seel of sakkie. Gooi die meel speserye mengsel oor en skud tot die vlerkies heeltemal bedek is. 

Metode vir Gaarmaak -Air Fryer

My air fryer (Kry een!) neem omtrent 12 vlerkies. 

Pak die meel bedekte vlerkies in enkele laag. Dit gaan nie gedraai word nie. 

Bak net so droog vir 22 minute teen 175 Celcius. 

Smeer gesmelte botter met kwassie bo-oor en bak vir nog 8 - 10 minute.

 

Metode vir Oond

Voor die air fryer het ons dit altyd in die oond gedoen en dit kom net so goed uit. 

Smeer of spuit 'n oond bak en pak die vlerkies styf teen mekaar in. 

Bak vir 50 minute teen 180 Celcius sonder om te draai.

Smeer met botter

Bak vir nog 10 minute. 

 

'n Sny brood wat in die bak gesmeer word as die vlerkies uit is is 'n belangrike ekstra. Of as jy lae koolhidrate doen dan kan tipiese roer-braai groente ook deur die oorblyfsels geroer word en vir rukkie terug gesit word in die oond. 

 

Laat weet gerus in die kommentaar as iemand hierdie probeer het!

 

Mooibly

Dirk

 

Koolhidrate

 Oor Koolhidrate en kosmaak

Covid, lockdown, van die huis af werk en lekker kosmaak het my toestand bietjie verswak en ek moes redelik dringend 'n plan maak. Ons besluit toe om die "low carb" ding te doen. Noem dit Keto, LCHF, banting of hoe ook al, die gedagte is om die koolhidrate uit te sny. 

Tot dusver is die resultate uitstekend. Meer energie, meer klere in die kas wat pas en net 'n algemene gesondheids verbetering. 

Ongelukkig sluit die koolhidrate voedselgroep die sourdough brood in. Dis nie noodwendig 'n slegte ding nie want ek bak elke twee weke vir ons 'n broodtjie of baguettes en dit is dan lekkerder as ooit! Met hierdie tipe eetery is die tekstuur van die brood die een ding wat ek mis. Dit kan net nie met enigiets vervang word nie. 

Ek wil vandag 'n resep deel van een van die lekkerste geregte wat ek in 'n baie lang tyd gehad het. Ons het gisteraand 'n tamatiesop gemaak. Daar is egter 'n hele aanloop hierna wat ek eers wil verduidelik. 

Aftreksel (Broth)

Die eerste bestandeel vir hierdie fantastiese sop is 'n been aftreksel wat nou 'n stapel voedsel by ons is. Dit kan bees, skaap of hoender wees. Ek het nog nie die moed gehad om 'n vis een te maak nie maar dit is op die lys.

Die proses is om die hel uit vleis bene uit te kook en dan al die solids uit te sif en te strain. 

My metode en bestandele vir rooivleis:

• Klomp bene (tot 1kg)
• Water (soveel soos jou pot toelaat)
• Eetlepel of twee goeie asyn
• Groen groente - Enige gaan werk maar dink aan die smaak wat dit gaan gee aan die broth. 
• Bv Kale, Seldery, Spinasie ens
• 'n Wortel (Dit gaan uitgehaal word so moenie worry oor die koolhidrate nie)

Was eers die bene behoorlik om alle ou bloed ens af te was. As dit nie genoeg is nie doen dan die volgende:

In a groot pot met baie water kook die bene baie hard en skep alle skuim af. Sodra daar geen meer skuim gevorm word nie haal al die bene uit. 

Bak die bene in warm oond of air fryer met bietjie sout tot die bruin is. 

Plaas hulle terug in die vloeistof en sit jou groente en asyn by. 

Ek kook myne in 'n stoompot vir twee en 'n half ure wat my omtrent 2 liter gee as dit klaar is.

Haal al die solids uit en gee vir die hond. Strain die vloestof deur 'n lappie om dit mooi skoon te kry. 

Sit in 'n houer in die yskas. As dit koud is haal die laag vet af wat bo-op gevorm het. Dit kan vir iets anders gebruik word.

As jy dit reg gedoen het dan is die broth in die yskas soos jellie. 

Vir hoender broth is die baie dieselfde. Gebruik egter 'n heel hoender of stukke en braai dit in die oond tot gaar.

Ek doen die broth ding heel party keer vir ontbyd: Maak 'n koppie vol in die mikrogolf oond warm met bietjie sout, chillie en wat ook al geursels by waarvoor jy lus is. Gemmer, borrie of ander spices werk goed. Selfs 'n klein bietjie room by is verskriklik lekker. 

Tamatiesop

• 4 - 5 Groot ryp tamaties (Ons het Roma tamaties gebruik)
• 1 Rooi Soetrissie
  
• 1-2 knoffel huisies
• Vars kruie - opsioneel (Tiemie, origanum ens. Wat jy ookal die tuin het. Droe kruie kan seker ook werk)
• 750ml Broth (Sien bo)
• Sout en peper 
• Chillie 
• 1 ui
  

Metode 

Een van die beste aparate wat ek nog in die kombuis gebruik het is 'n air fryer. Dis soos 'n oond op turbo. Gebruik minder krag en neem 'n fraksie van die tyd. My aanbeveling is om een te kry as jy nie het nie. Hierdie kan in die oond gemaak word maar dit gaan sukkel om hoeveelheid geur in te kry as wat die vinnige hitte van die air fryer kan doen. Miskien kan ons 'n petiesie doen sodat Eskom dit kan subsidieer. 

Bak die soetrissie tot dit heeltemal swart is. Laat staan in bakkie met deksel of sakkie om te sweet en vee die buitenste skilletjie af as dit afgekoel het tot jy die kan hanteer. 

Sny die tamaties middel deur en sit met skil kant na onder in die air fryer. Smeer bietjie olyfolie op en strooi sout bo-op. Bak totdat die mooi verkleur het en effer verdroog het. 

Skil en sny die knoffel in flinders en sit in bakkie met olyfolie. Bak in air fryer tot hulle crispy en bruin is. Hulle kan maklik brand so moet dit nie te ver neem nie. 

Kerf en braai die uie en chillie in die pan. Ons het 'n baie cute klein pink peach reaper chillie gebruik. 

 Sit al die voorbereide bestandele saam met broth in 'n pot en kook vir 'n paar minute. 

Gebruik 'n hand blender om als fyn te maak. Voila!

Gremolata

Ons het nog 'n stukkie sourdough brood oor gehad wat op die kas gestaan het. Al so drie dae oud. Perfek vir gremolata. Die air fryer het ook hierdie na 'n ander vlak geneem. Een sny het ook darem nie genoeg koolhidrate om die appel kar om te gooi nie en dit was absoluut wonderlik saam met die sop. 

Metode en bestandele:

• 1-2 snye ou sourdough brood (vars kan ook werk)
• 1 heel stuk harde kaas (Pecorini of parmesaan)
• 1 heel stuk Belee cheddar kaas.
• Vars origanum

Blend alles to krummels en bak in oond of air fryer tot goudbruin. 

Variasie op die Gremolata is om ook 'n rou knoffel huisie saam te blend en ander vars kruie werk ook goed veral Basilie kruid.

Hierdie crunchie geurige souterige krummels was die Pièce de résistance by die sop!

 

Mooibly

Dirk