Monday 7 March 2011

Taai Butternut Sop

Ek en my geliefde het die week besluit om vir mekaar romantiese etes te maak. Woensdagaand het sy gekook en ek is behoorlik gespoil. Sy het groentesop, 'n gesonde pastei met spinasie en feta en 'n sjokolade modderpoeding gemaak. Die pastei was regtig iets spesiaals en sy sal dit weer moet maak sodat ek kan skryf daarvan.

So ek was nogal onder druk om ook iets spesiaals mee vorendag te kom. My menu was butternut sop, tuisgemaakte pasta met pesto en 'n berry brulee vir nagereg. Die pasta was lekker soos tuisgemaakte pasta en pesto maar kan wees en die nagereg was lekker maar heeltemal te soet. Maar die sop... al moet ek dit self sê, was ongelooflik!

Ek het die basiese idee gekry van die blog van Cooksister en ook iewers gelees dat jy 'n Thai variasie kan maak, so toe eksperimenteer ek en dit was die uiteinde:


Taai Butternut sop

1 Groot Butternut
2 groot knoffelhuisies
1 stukkie vars gemmer
3 of 4 heel Allspice
3 of 4 heel Naeltjies
1 stukkie heel kaneel
2 medium uie
1 Teelepel Thai groen kerrie paste
1 Blikkie Coconut milk
250 ml aangemaakte Chicken Stock, Ina Paarman s'n werk net die beste vir my.
Klein bietjie room
Vars Koljander blare om mee op te dien.

Bak die butternut net so heel in die oond teen 180C totdat dit bruin is aan die buitekant. Laat dit afkoel voor jy dit verwerk. Trek dan die skil af en haal die pitte uit. Mash dan die gaar butternut en sit eenkant.


As jy een van die gadget goetertjies het wat soos twee teesiffies lyk wat toevou waarin jy speserye kan sit om dit uit te haal as jou kos klaar is, is dit die dingetjie om te gebruik, dit werk nogal soos 'n bom. Sit die naeltjies en allspice daarin want jy wil nie een daarvin in jou bord hê nie. Maak die Chicken Stock aan met kookwater en gooi solank jou spices balletjie daarin sodat dit kan "trek".



Sny die uie in blokkies en kook dit in botter saam met die fyn gesnyde gemmer en knoffel totdat dit heeltemal glasig is. Jy kan die kaneel ook solank hierin ingooi. Gooi die stock en cocunut milk en Thai groen kerrie by die uie en laat dit stadig prut. As die uie lekker sag gekook is gooi die gemashde butternut by en laat dit stadig deurkook totdat dit lekker dik is.

 Bedien met bietjie room ingegooi en met die gekerfde koljander blare bo-op.


Geniet dit!!
Dirk

Wednesday 2 March 2011

Huismoles-Butternut-en-lam-gebakte-pot

In my vorige pos het ek vertel van die stoute stew waar ek beesvleis en milkstout in 'n pot in die oond gebak het. Ek het die naweek 'n variasie daarvan probeer met lamsvleis en butternut. Ek is seker daar is iewers 'n naam vir die metode van dit doen, maar ek het my inspirasie vir dit gekry uit die manier wat ek vertel is hoe 'n REGTE brijanie gemaak word:
Jy sit foil in 'n pot wat op die stoof of vuur gebruik word. 'n Goeie laag lensies word onderin gesit, die pot gaan brand en dan word die lensies wat aan die foil vassit weggegooi.

Saterdag was een van daai dae waar gemoedere effe aan die af kant was, kinners was krapperig, tiener humeure, verkeer is moeilik, ek sukkel met die ophou rook, pms, net 'n moeilike dag. Hoe's die gesegde, die gort was gaar? Of dit dalk was dat almal net 'n goeie bord kos in hulle gestel nodig gehad het en of die pot/stew/bredie SO goed was weet ek nie, maar ons het almal 'n baie lekker Saterdagaand en naweek gehad!

Butternut en lam gebakte pot


3 uie in dik ringe gesny
1 koppie gaar barley (ek dink dis gort in Afrikaans)
4-6 groot boud tjops in blokkies gesny.
Paar repies lam ribbetjie of ander effe vetterige lam.
1 pakkie streaky bacon opgesny.
1 Groterige butternut in groot blokke gesny
4-5 Aartappels in dik ringe gesny en gesmeer my olyfolie en sout.
Chickenstock / sop poeier.
Braaisout
Half koppie meel.
250ml room

Braai eers die ribbetjie totdat die lekker bruin is. Gooi dan die res van die lam by en braai dit ook effens. Skep dit uit en sit eenkant. Braai dan die bacon in die lamsvet en skep by die vleis. Braai die uie dan in die pot. Meng die stock/soppoeier met die meel en gooi die bietjie vir bietjie oor die vleis en meng dit deur. Gooi dan die vleis terug by die uie en meng dit effe deur saam met 'n halwe koppie water of ander gepaste vloeistof.

Smeer die pot met botter en pak die gort onder in die pot en teen die rante op. Pak die butternut bo-op die gort. Gooi biejtie braaisout oor die butternut en dan die vleis en uie bo-op. Pak laastens die aartappels in 'n laag heel bo in die pot en sit die deksel stewig op.

Bak die bedryf nou vir ten minstens twee ure in die oond totdat die lam baie sag is. Gooi die room in met so halfuur oor. Ek het dit dadelik ingegooi maar dit het heeltemal verdwyn in die pot en ek sou hou daarvan om nog die room herkenbaar te gehad het. Haal die deksel af as alles klaar is en "gril" totdat die aartappels onweerstaanbaar lyk.

Kyk ook my vorige pos vir meer gedetaileerde verduidelikings vir die metodiek.

Geniet dit!!
Dirk

(ps. Ek belowe om volgende keer fotos by te sit...)

Sunday 13 February 2011

Stoute Stew

Ek het die twee rump steaks in die vrieskas ontdek en wou iets spesiaal met hulle doen. Nie net die gewone nie. Vir inspirasie kry ek toe 'n resep waar hulle milk stout gebruik in 'n stew met beesvleis. Ek het my eie variasie hiervan gemaak en dit was 'n absolute wenner wat ek weer sal maak.

In kort, het ek die steak in blokkies gesny en saam met bacon en groete en die stout in 'n bak gepak bo-op 'n laag barley. Dit word dan in die oond gebak met 'n laag dun gesnyde aartapels bo-op. Gwynneth het dit gedoop Dirk se stoute stew.

Stoute Stew
2 Groot rump Steaks
450ml Castle Milk Stout
Pakkie Streaky Bacon
6 knoffel huisies
2 groot uie
2 rooi chillies
2 eeltepels Ina Paarman se Beef Extract
1/2 koppie meel
4 Wortels
4 Aartappels
1/2 koppie water
1 koppie Barley
Sout soos nodig

Sit eerste solank die barley aan die kook saam met twee koppies water. Sodra die vinnig kook sit dit stadiger sodat dit prut solank jy die res van die werk doen. As dit droog gekook het sit dit af, dit gaan in die oond verder gaar word. Dit moenie kokend warm wees as jy dit later in die bak gaan sit nie.

Sny uie blokkies en sny knoffel en chillies fyn.
Sny die vet van die steaks af en sny in klein blokkies.
Sny die res van die steaks in blokke
Sny ook die bacon in blokkies.
Die aartappels word in 30-40mm dik ringe gesny.
Die wortels het ek in die lengte deurgesny in groot julliene repe.

Maak die pot lekker warm en braai dan eerste die vet van die steak in warm olie tot dit omtrent uitgebraai is. Gooi dan die steak blokke by en braai vinnig to bruin. Moenie dat dit te lank braai nie. Skep die steak uit en braai dan die bacon tot ook effe bruin. Skep dit ook uit en gooi dan die uie, knoffel en chillies in die pot om te deglaze. Gooi ook bietjie van die milk stout in om te deglaze as dit nodig is.  Braai die uie mengsel tot dit mooi glasig is.

Meng die meel en beef extract en gooi dit bo-oor die steak en bacon en meng dit goed deur.

Sit nou die steak en meel mengsel terug in die pot saam met die uie en gooi die res van die milk stout oor. Moet dit nie te veel meng nie, net genoeg om alles mooi in die pot te versprei.  Prut dit nou baie stadig terwyl jy die barley en die bak regkry om in die oond te sit.

Smeer 'n diep bak of pot wat in die oond kan gaan se bodem en sye goed met botter. Gooi die barley onder in die pot en druk dit effe teen die kante van die pot op.
Pak die wortels in 'n laag op die barley. Meng 'm half koppie water effens in die steak en gooi nou die steak mengsel op. Eindig die pot met die skyfies aartappels bo-op. Gooi sout op die aartappels en smeer die bokante daarvan met olyfolie.
Sit die deksel op en bak vir 90 min @ 180C
Haal die deksel af en sit die die gril aan vir 'n paar min om die aartappels lekker mooi te maak.

Enjoy!!
Groete
Dirk

Tuesday 7 December 2010

Soufle ondervinding

Ek het dit uiteindelik gedoen! Soufle gemaak! Dit was nog altyd een van my ambisies om dit te probeer, maar was nog altyd te chicken, want hulle sê dat jy moenie hard burp in die kombuis nie dan val dit plat. Gwynneth het ook nou nie juis my confidence om dit te maak goed gedoen nie. Haar opmerking was, toe ek begin, dat ek nie hoef te worry nie, sy sal annerdag 'n behoorlike een maak as ek klaar is! Ek moet sê sy het haar woorde moes sluk.



Dis eintlik nie so moeilik om te maak nie. Ek het dit ook vir ontbyt gemaak terwyl dit normaalweg nie vir ontbyt bedien word nie. Eiers hoort egter vir my by ontbyt en die rede vir die nie-ontbyt nie is eintlik net omdat dit effe lank vat om dit te maak vir brekfis. Ek het fyftigduisend resepte opgelees om hoe om dit te maak en elkeen sê iets anders. Party sê jy moet dit 45min bak, ander korter ens. Maar dit lyk my die franse resepte, wat die oorsprong was, is 15-18min teen 220 Celcius. My Amerikaanse chef boek sê ook 15-18 min. So dis wat ek probeer het. Volgens Gordan Ramsay moet die eierwitte baie hard geklits word, ander sê weer "soft peaks". So wat ek probeer het is om dit tot "soft peaks" te klits (met die hand natuurlik) en dan vir goeie vorm nog so paar klitse bygegee.

Maar kom ek begin van voor af. Soufle is eintlik maar net 'n fency witsous basis met eierwitte ingevou om dit lig te maak. Die basiese witsous of roux, wat dan 'n bechemal sous is as jy kaas bygooi, is maar die basis hiervan. So ek het so +- 1.5 eetlepels botter gebruik saam met dieselfde hoeveelheid meel. Die botter gesmelt totdat dit begin skuim en toe die meel bygegooi. Dit word dan effe gebraai totdat die meel en botter begin borrel en mooi ge-infuse is. Maak 1 koppie melk warm maar moenie dit kook nie. Haal die warm meel-botter gebraaisel van die stoof af en gooi die warm melk daarin alles op een slag. Sorg nou dat jy die mengsel baie glad kry. Ek gebruik sommer 'n klein draad hand klits dingetjie. Sit dit nou terug op 'n nie-baie-warm-plaat-nie en roer tot die mengsel baie glad en romerig is en begin dik raak. Dit MOENIE kook nie. Nou kan jy jou kaas bygooi en dit inroer totdat alles weer roomglad is. Ek het 'n groot handvol baie mooi beleë cheddar kaas ingegooi. Ook so paar mespunte vol gerookte paprieka en 'n knippie neutmuskaat. Dit is dan die basis van die soufle. Laat die basis afkoel tot kamertemperatuur voordat jy die witte inmeng.

Nou vir die eiers. Vier van hulle. Geskei. Nie van mekaar nie, maar die wit van die geel. Die eiers moet kamertemperatuur wees, dis belangrik om die regte tekstuur vir die ding te kry. As jy moes (of mousse) maak (en ek het dit al paar keer suksesvol gedoen) dan moet jy die eiergele ook effe gaarmaak en glad kry vir die mengsel. Nou wat ek hiermee gedoen het is om dit in 'n glasbak, bo-op 'n pot met water wat kook, te klits totdat dit ook romerig glad is. Dis ook gedoen met die klein hand-klitsertjie dingetjie. Nogal 'n handige apparaatjie wat Gwynneth vir my gegee het. Ek het al koek gebak daarmee, maar dis 'n ander storie. Die geroomde eiergeel word dan nou ook by die bechemel sous ingeroer totdat dit alles roomglad is. Proe die mengsel vir genoeg sout ens. Dit is hoe die soufle gaan proe. Inteendeel ek was baie verbaas dat die smaak baie verflou het in die klaar soufle, so moenie skaam wees om die basis te geur soos jy dit wil hê nie.

Die eierwitte moet absoluut niks van die geel of enige ander vetterigheid naby hulle kry voor of terwyl dit geklits word nie. 'n Stainless steel bak werk ook beter, dit het wel iets uit te waai met die proses maar ek het nog nie die wetenskaplike rede daarvoor uitgevind nie. Klits nou die dinges uit die witte, dis nes touspring, totdat jou skouers brand en dan nog bietjie. Jy kan 'n elektriese ding gebruik maar dis cheat. Nou wat is "soft peaks"? Ek weet ook nie regtig nie maar ek het dit reggekry so om dit te beskryf is dit wanneer dit begin styf raak en begin "waves" maak. En as die waves so bly soos jy dit klits dan is dit reg. Soos ek genoem het gee dit nog 'n sekond of twee vinnige klitse vir goeie vorm.

Vir die inmeng slag neem omtrent 'n kwart van die witte en meng dit goed met die basis sodat dit lig is sodat jy die res kan mooi invou. Gebruik 'n rubber spattula om dit in te vou. Nou dit moet jy nou mooi rustig doen. Moet dit nie klits nie. Jy wil net die witte inmeng sodat jy soveel as moontlik van die bubbletjies wat jy daarin ingeklits het kan behou. Gooi dadelik in jou bak en dadelik in die oond wat altwee al moet regstaan daarvoor.

Die bak waarin dit gemaak word is ook nogal 'n integrale deel van die sukses van die soufle. Kyk maar rond wat word gebruik, maar ek het nie een van die fency goed of die klein bakkies gehad nie. Gwynneth het toe gesê (sy is goed hoor!) ek moet die klein ysterpotjie gebruik. Dit het nogal gewerk. Jou bak moet ook goed botter gesmeer wees. Hulle sê ook dat jy jou vinger aan die binnerand van die bak moet vee sodat dit egalig kan opstaan. Die bak wat jy gebruik moet ook nie meer as omtrent driekwart vol wees as jy die mengsel ingooi nie.

Bak nou die soufle vir 18 min en hou dop hoe klim dit uit die bak uit! Dis beter as popcorn maak! Moenie jou soufletjie pla terwyl dit bak nie maar loer maar so deur die glas daarvoor. As jy dink dis klaar steek 'n stokkie in en as dit skoon uitkom is dit reg. Dit MOET dadelik ge-eet word want dit GAAN platval na omtrent 5 minute. Jy kan dit blykbaar weer in die warm oond terugdruk en dit gaan weer opstaan maar ek het dit nie probeer nie.
Die tekstuur daarvan is wat my nogal verbaas het, dit het geklink asof dit kraak as jy 'n lepel of vurk gebruik om dit te skep terwyl dit smelt in jou mond. Dit was net ongelooflik... en baie fun om te maak!!

Kaas-soufle
4 eiers geskei
1.5 eetlepels botter en ekstra om bak te smeer
1.5 eetlepels meel
1 koppie warm melk
sout na smaak
paar mespunte gerookte paprieka
knippie neutmuskaat
handvol sterk cheddar kaas

Metode recap: Maak 'n baie romerige bechemel sous vir die basis (soos bo verduidelik) wat al die bestandele bevat buiten die eierwit. Vou die styfgeklitste eierwit in die basis en bak in 'n voorverhitte 220 Celcius oond vir  +-18 minute. Bedien ONMIDDELIK!

Geniet dit!!!
Dirk

Wednesday 20 October 2010

Lamskeen Pot

Ons sou die naweek gaan kamp het... Die gedagte was om 'n pot te maak by die kamp die Saterdagaand.  'n Splinternuwe no3 swart pot. Nog net so rou van die fabriek af. So die pot moet nog eers voorberei word voor die potjie gemaak kan word. Ek skarrel toe rond om hierdie pot te probeer regkry voor die beplande kamp, maar die weer speel nie saam nie en ek het 'n dringende tand slagtery wat moet plaasvind, so die dinge gaan rof raak as ons gaan kamp. Die pot is ook nog baie grof binne en daaraan moet ook 'n plan gemaak word. Ek neem toe die pot na 'n ou wat dit vir my sandblast om die grofheid uit te kry. Dit het nie gewerk nie, die grof was net effe gladder. Ek kry toe 'n paar velletjies water-papier om dit af te skuur en 'n groot sak beesvet-goed om uit te braai in die pot...
Toe sê die weer-site dit gaan reen, maar 'n ander een sê dit gaan nie reen nie net bewolk wees. Toe gaan kamp ons nie. Toe is dit die ongelooflikste lekkerste dag Saterdag wat jy kan verwag. Almal is toe baie teleurgesteld en sommige sommer lekker moerig dat ons nie gaan kamp het nie. Maar die weer praat toe Saterdag heeldag van stormwaarskuwings aan die Atlantic Seabord waar ons wou gaan kamp vir Sondag, maar die weer is mooi? Jok die boggers alweer? Wel ons besluit toe om die splinternuwe tente in die agterplaas op te slaan, ons gaan kamp! En pot maak by die huis. En was ons Sondagoggend bly ons het nie gaan uit-kamp nie! Die weer was misluk, reen, wind. En sommige het net soos die weer gelyk. En dan is daar nog die storie van die trampolien, nee sorry opblaasmatras maar dis nog ‘n storie en miskien nie vir die blog nie.

Maar die storie gaan eintlik oor die pot! Gwynneth maak toe een aand vir ons lambshanks, maar dit was effe optimisties want die tyd was min. In alle fairness dit was my idee dat ons kos maak en nie takeaways kry nie. Dit het toe nie heeltemal so gaar gekom voor dit laat geraak het nie en ons bere dit toe maar in die vrieskas en bestel pizza. ...Maar dit was 'n ongelooflike sous en smaak, tamatie, roosmaryn, knoffel, kaneel, in die oond gebak. So gesels ons en ek besluit een of ander tyd moet ek dit probeer in 'n pot. Ek kry toe sommer heel lam skene om pot te maak as ons gaan kamp.

Voorberei van pot.
Om ‘n pot voor te berei is nogal ‘n kuns en een wat ek nie heeltemal bemeester het nie. Maar die pot het nie te sleg gekom nie. Die probleem met ‘n nuwe pot is dat dit baie grof binne is. Dit is baie grillerig om binne te krap met ‘n lepel! Nee ernstig, dit brand baie makliker as dit so grof is. Ek het nou al paar dinge probeer om dit maklik te doen maar dit lyk my nie daar is ‘n alternatief vir elbow-grease nie. Kry skuurpapier, handskoene en skuur. Ek het ‘n ou kombuis-sponsie gebruik om die skuurpapier mee vas te hou wat nogal gehelp het. Skuur dit totdat jy en almal wat help skuur gatvol is vir skuur en jy kan saamleef met hoe glad die pot binne is. Ek het my pot laat sandblast so al die blou fabriek treatment was uit wat ook nogal gehelp het.

Die ander ding wat ek glo is dat jy die yster moet ‘n olie/vet treatment gee. Ek het ‘n baie groot sak beesvet en afval vleis gekoop om die pot mee voor te berei. Maak ‘n vuur onder dit so warm soos jy dit kan kry sonder om self gekook te word as jy naby kom. Gooi daai spul vet in die pot en moenie worry van hoe dit lyk of klink nie. Braai uit tot kaaings. Kook dan ‘n kool en skil bredie na hartelus in die warm pot totdat jy dink dis nou genoeg. Maak nie saak hoe honger jy is en hoe lekker dit lyk nie, MOENIE DIT EET NIE! Die resultaat is dat die vet ingetrek het in die yster en alle ystersmaak en chemikalie is uit die pot uit. NOU kan jy pot maak!

Lamskeen pot.
Die pot is weereens Gwynneth se inspirasie. Sy't die breins en looks en idees; en die skilwerk gedoen; en ek het dit net bymekaargegooi en myself sit en jammer kry oor die tandslagtery. 

Bestandele
‘n Skeen vir elkeen
Genoeg tamaties, 8-10 grotes geskil (Jy weet, kruisie bo ingesny en in kookwater geweek)
Baie uie, 4-6 in rowwe stukke gesny
Knoffel, ook maar genoeg
Vars Roosmaryn fyngekap (half koppie)
Vars Tiemie fyngekap (half koppie)
Songedroogde tamaties (handvol)
4 kruie naeltjies
1 Stuk heel kaneel
Heel swart peper
Braaisout of gewone sout.
Botter of olyfolie
Suiker, 2 of 3 eetlepels of sherry.
Aartappels, ek gooi gewoonlik so 1,5 per persoon in.

Metode
Braai die skene een vir een in botter of olie tot lekker bruin. Haal dit uit en braai dan die uie en knoffel en kruie en speserye en songedroogde tamaties om die pot te deglaze. Gooi die tamaties in. Sit die skene terug en gooi bietjie vloeistof in. Nou moet jy nie weer vinnig vuurmaak onder die pot nie. Hoe stadiger en hoe langer dit gaan kook hoe beter. Gebruik kole (charcoal), dis makliker om so nou en dan een by te sit en die pot stadig aan die gang te hou. Wees gereed vir 2 of 3 ure as jy kan maar monitor die vloeistof en dat die pot nie brand nie. As die vleis amper reg is gooi dan die aartappels in. Gooi die suiker of sherry eers baie later in want dit mag die pot laat brand as jy dit te vroeg ingooi. Dit gesê is ‘n effe gekarimaliseerde tamatiesous wat jy wil hê. Proe maar die sous vir iets wat kort.

Bedien saam met enigiets wat die sous gaan justice doen.

Bon Appetit!
Dirk




Salm

Een van die baie dinge wat uitstaan deur vir Gwynneth in my lewe te gekry het is dat sy my leer salm eet het. Norwegiese Salm. (of dan nou soos algemeen bekend as Norwegian Salmon)

Ek kan met alle eerlikheid se dat geen stuk beesvleis vir my ooit lekkerder was as 'n lekker stuk salm nie. Die prys daarvan skrik jou af eerstens om dit te koop en tweedens is dit intimiderend om dit gaar te maak. En hierin is daar 'n paradoks, want dit is eintlik baie baie makliker om te maak en baie baie baie lekkerder as enige ander vleis of vis. So in stede van uiteet, probeer dit een slag. 'n Stuk salm en groentes by Woolies gaan jou dieselfde kos as twee cheeseburgers en milkshakes by die Spur. Die Woolies in die waterfront hou gewoonlik vars salm aan en dis omtrent R199 per kg. (Ek het mos gesê die prys is afgryslik) Omtrent R140 vir 'n tweeman-stuk.

Om dit gaar te maak:

Sit die gril (boonste oondrooster) aan.
Smeer die salm met gerasperde suurlemoenskil, sout en olyfolie. (Of gebruik jou verbeelding)
Druk onder die gril in.
Haal dit uit wanneer dit effe bruin en "gebak" lyk aan die bokant. Omtrent 10min of minder.
MOENIE te gaar maak nie, dit moet NIE "doodgebraai" wees nie. Dit moet net begin flake.

Bedien saam met suurlemoen, aartappeltjies en gestoomde groente.

As jy iemand wil bederf, dis 'n baie baie baie beter idee as 'n hamburger en chips!!
Geniet dit!
Dirk

Monday 27 September 2010

Back to Basics

Ewe skielik bevind ek my in die posisie om weer te kyk na my gesondheidsvordering van die laaste paar maande en dit was VROT!! Ek het nog ten minstens 10 kilos om te verloor (ek dink dalk 15 is meer realisties) en al hierdie lekker ge-etery maak dit nou eintlik nie maklik nie.

Ek weet wat werk en moet teruggaan soontoe. Twee of meer protein shakes per dag en een ete en drie na vier keer per week by die gym uitkom. Dit werk en dis 'n eenvoudige resep, doen dit net. Nou hoekom doen mens dit nie? Ek weet eintlik, dis omdat mens visie verloor  van die rewards en omdat die rewards nie onmiddelik sigbaar is nie, dis ongelukkig eers langtermyn sigbaar. Om korttermyn iets te doen wat eers langtermyn sigbaar is is baie moeilik om in stand te hou en doelgerig gefokus te bly veral as dit so maklik is om daarvan af te wyk. So as ek miskien myself genoeg herinner dat dit die moeite werd is gaan ek dit dalk weer regkry.

So wat kosserasies aan betref het ek die turkish delight muffins verruil vir gym-muffins. Nou daar is nou 'n kombinasie van goed wat alles in het vir die gym. Die basiese resep is dieselfde as soos die pos wat ek gemaak het vir die blueberry-turkish-delight muffins, maar met 'n paar goed verander en bygevoeg. Wat ek verander het is om in plaas van gewone olie te gebruik gebruik ek flaxseed-olie wat omega vette bevat wat dan nou kwansuis nodig is vir klomp goed in mense se gestel. Ek beef die proteine ook bietjie op deur whey-poeier by te gooi en vervang die melk met karringmelk. Ek gooi ook 'n handvol semels in wat dit effe ligter maak. Dan probeer ek 'n paar neute insit en verskeidenheid van sade en goed. Om dit soeter te kry snipper ek droe vrugte op en gooi die in. 'n Eetlepel of twee heuning sal ook nogal goed werk. Die gevolg van die konkoksie is muffins wat glad nie te sleg proe nie en wat dan een protein shake op 'n dag vervang met 'n hoe-protein-gym-muffin. Dit bevat low-gi carbs, genoeg proteine, omega3 en 6 fatty acids, als wat jy vir 'n weights training sessie nodig het.

Basics hier kom ek en goodbye laaste paar kilos!!
Groete
Dirk

Monday 13 September 2010

Blueberry en Turkish Delight Oats Muffins

Met alle eerlikheid wil ek sê dat hierdie die lekkerste muffins is wat ek nog geproe het. Ok, miskien het ek ook bybedoelings hiermee want dit is gemaak deur iemand spesiaal en die spesiale bestanddele wat daarin gesit is is net van so aard dat dit onweerstaanbaar is:
2 groot koppies elk van liefde en vriendskap

1 eetlepel elk van geduld, moeite, aandag en omgee
Daar is nog ander essoteriese bestandele maar dit gaan dalk hierdie blog as "adult" of "x-rated" laat klassifiseer as ek dit hier insit.

Gwynneth se inspirasie. Ek het die mooiste pakkie Blueberries by Woolies gekry en gedink dit sal nou nice wees in muffins. Toe sy dit maak vra sy of sy van die Turkish Delight wat ek vir my verjaarsdag gekry het kan insit...

Sy het vir my die reseppie uitgeskryf om te deel,  ek is verbaas om herinner te word dat oats eintlik hawermout is in ons mooi taal wat ek besig is om so op te voeter:-)
Oor die meel kan ek miskien ook kommentaar lewer, dit is stone-ground meel sonder enige additives of preservatives (nou ja, byvoegings of preserveermiddels) of enige sulke goggas. Miskien maak dit ook aan die gesondheidsaspek 'n verskil. Al wat ek kan sê dit is ongelooflik lekker en ek weet nie van 'n plek waar mens so iets kan koop nie. Ek is net gelukkig om aan die ontvang kant te wees van iemand so nice...

So hier is die resep.

1 koppie oats (hawermout)
1 koppie volgraan meel
1 koppie melk
1 eier
70ml olie
50 ml suiker
10 ml sout
10 ml bakpoeier
1 Pakkie Blueberries
Tien blokkies Turkish delight, in kwarte gesny

Voorverhit die oond tot 200grade

Smeer die muffin pan met botter of cook-n-spray
 
Week die hawermout in die melk

Sif die droë bestanddele saam

Klits die eier en meng in hawermout-melk-mengsel. 


Voeg dan die droë bestanddele by en roer liggies. Die bessies en lekkers word dan laastens bygevoeg. Gooi die beslag oor in 'n houer met 'n tuit, dit is vinniger en makliker om die mengsel in die vormpies te gooi as om te skep. Die mengsel is genoeg vir vier GIANT muffins of ses normales.

Bak vir 25 minute.

Thx Gwynneth!!

Sunday 5 September 2010

Wenner Pikekpot

Hierdie was seker omtrent die eerste potjie wat ek in my eie potjie gemaak het. Daaityd was dit in 'n nommer driekwart potjie. As enigeen 'n idee het van hoe klein dit is. As een mens baie eet is dit genoeg... Die storie is dat ek ingeskryf het vir 'n potjiekoskompetiese by 'n kampplek in die no 3/4 potjie. Dit was jare gelede, vorige leeftyd. Een ou kom toe daar na my toe toe ek nog so lekker staan en potjie maak in die kompetisie en se dat hy hoor ek gaan 'n pocket aartappels in die potjie gooi! Nou daar kan net twee aartappels inkom as jy beplan om vleis in te gooi. Ek dink ek het derde plek of so iets gekry vir my pot en die beoordelaars het na die tyd vir my gese dat ek loshande sou wen as ons enigiets anders as die kampplek se tafeltjie en borde daar gehad het vir bediening. Nou daai pot was lekker!

Sedertdien het ek al variasies gemaak en dit weer so probeer kry, maar kon dit nog nie weer heeltemal so reg kry nie. Dink dit het te doen met die no 3/4 potjie en die verhouding van die lekkerrr bestandele daarin. Een van die variasies is dat ek op Ceres in die jaarlikse potjiekos kompetiese 'n krokodil pot gemaak het soortgelyk hieraan en die het ook derde plek gekry. Maar ek dink dit was omdat van die beoordelaars bietjie gegril het vir die gedagte dat hulle krokodil eet.

Gister het ek dit weer so soortvan reggekry, maar weereens met variasies, maar ek dink die variasies is dalk 'n verbetering. Buiten vir die pot, dit was 'n nommer 6 pot!

Die geheim van die hoenerpot is swart mushrooms, room en baie knoffel en iets gerook (nie iets van wat jy rook nie, iets wat gerook is in die pot!) Die swart mushrooms kook nie weg nie en raak soortvan 'n hoofbestandeel in die pot. Die gerookte iets is ook net so belangrik, gerookte wors of stuk gammon of enigiets wat 'n lekker rook smaak aan die pot kan gee. Saterdag het ek 'n stuk gerookte kaas ingegooi wat nogal baie baie nice gewerk het. Ek het ook kluitjies gemaak om bo-op (binne in) die pot te sit waar ek ook van die gerookte kaas ingegooi het. Gwynneth was ook nogal baie beindruk hiermee, maar ek is nog steeds van die vermoede dat haar beindrukgeit bybedoelings het... Sy het belowe om pastei te maak van die oorskiet. As die pastei enigiets soos haar muffins is dan is ek in vir 'n treat.

Pikekpot

Fase 1 - Begin van pot
2 groot uie
Handvol of handevol knoffel
Botter
4-6 pikekdye

Braai die uie en knoffel in genoeg botter tot dit mooi lyk. Gooi dan die hoenerstukke in en braai dit ook totdat dit mooi bruin is sonder om dit te brand. Die pot kan maar goed warm wees om dit 'n mooi kleur te gee. Gooi water of ander vloeistof in om die hoener te kook. Moenie soos ek die pikek te lank kook voordat jy met die volgende fases begin nie, jy wil eintlik he die goed moet nog heel wees as jy eet. Belangrikste hier is om jou whiskey inname laag te hou as jy jou pikek nog styf wil he as die pot klaar is.


Fase 2 - groente
10+ groot swart mushrooms
3-4 aartappels
broccoli
2 baba kooltjies in derdes of kwarte gesny
patty pans of baby marrows
Braaisout

Sny die mushrooms in derdes en gooi dit vroeg in die pot. Gooi die aartappels nie lank na die mushrooms in nie. Berei solank die ander groente sodat dit in die pot kan kom as fase 3 begin. As die aartappels reg is kan die pot maar klaargemaak word. Ek verkies om 'n pot eenvoudig te hou, so braaisout is die enigste speserye wat ek ingegooi het, maar van die groen vars variasies gaan nogal lekker werk.

Fase 3 - afhandeling
Witsous of cheat witsous met gerookte kaas- sien vorige blog vir die cheat version
Blok gerasperde gerookte kaas
Room (ten minstens 1 potjie maar meer sal help)
Kaaskluitjies.

Die laaste groente gaan nie baie lank neem om gaar te word nie. So as jy die laaste groente ingooi, gooi sommer die witsous in en sit die kluitjies op. Vir die kluitjies moet die pot 20 min staan sonder om die deksel op te lig. Die pot moenie te warm wees nie anders gaan die witsous die pot laat brand. Dit is seker die moeilikste gedeelte van die pot maak, maar tydsberekening is mos ingebore as jy pot maak, so moenie worry daaroor nie, jy sal weet as dit reg is sonder om te kyk.

O-ja, moenie vergeet om iemand aan te sit om rys op die stoof te maak nie!!

Kaas Kluitjies (Dumplings)
1 koppie meel
1 teelepel bakpoeier
1 geklitste eier
Lekker groot lepel botter
60 ml melk
sout
Handvol gerasperde gerookte kaas.

Vryf die botter in die meel, sout en bakpoeier totdat dit krummels maak.
Gooi die res van die bestandele by en meng.
Skep lepels vol bo-op die pot.

Ek hoop dit word net so geniet soos ek dit geniet het om dit te maak en om dit te skryf!!
Lekker week!
Dirk

Tuesday 24 August 2010

Oor middagetes en takeaways

Vir die afgelope paar maande was ek in die gelukkige posisie om gereeld te kon gym toe gaan. En dit oor middagete tyd van alle tye. Dit het nogal die voordeel gehad dat jy nie in crowds hoef te gaan nie, jy gaan soek nie kos oor middagete nie en jy score regtig meer as 'n uur elke dag deur dit te doen. Ek is bietjie beseer en het vir die afgelope week of wat nie by die gym uitgekom nie. Dis dan wanneer die duiwel in jou oor fluister en vertel van pasteie, samoesas, hoenderbrijanie, Nandos en hamburgers. Daar is mos nou tyd om rond te loop en volgende week is dit mos maar weer terug na normaal. So... nou en dan indulge ek maar die ou blikskottel. Want van volgende week af  IS dit weer protein shakes en gym vir middagete. En vir ekstra justification is 'n breek van roetine ook nogal goed so nou en dan. 

Nou hier in die Kaap is hier nogal heelwat plekke wat takeaways of vinnige middagetes gee wat nogal glad nie sleg is nie en waarde vir geld is. My gunsteling plek is die Eastern Bazaar in Langmarkstraat in die stad. Vir R25 kry jy 'n bak hoenderbrijanie of tandoori gebraaide hoender of ander soorte kerrie wat regtig te veel is om op te eet. Hulle rootis en naan brood is ook glad nie sleg nie. My gunstelling is die tandoori rooti. Dit is 'n rooti wat in die tandoori oond gebak word in plaas van op 'n plaat. Daar is ook heelwat ander geregte en die eerste keer wat jy daar instap is jy oorweldig. Die atmosfeer in die plek is ook nogal baie interesant, dit voel kompleet asof jy in 'n oosterse bazaar is. Baie mense, geraas, chaos en al die reuke van die spicy kos wat daar rondhang. Dit is nou regtig nie 'n vyfster venue nie en die kos is ook nie wat jy gaan kry by 'n fancy restaurant nie, jy eet ook met plastiek messe en vurke maar vir 'n lekker waarde vir geld middagete of vinnige aandete is daar nie baie ander wat dit beat nie.  

Nou van volgende week af is dit weer protein shakes na gym tydens middagtete!!

Beste
Dirk

Saturday 21 August 2010

Groente Lasagne

Hierdie een het ek nie self gemaak nie en was net 'n toeskouer vir die skepping van Gwynneth. Maar dit is so delicious dat ek wel moes vertel daarvan. Ek moet se dat ek nie baie opgewonde was oor lasagne sonder vleis nie maar ek was baie verbaas hieroor.

Basies is dit net pasta met groente en kaas en 'n witsous. Niks fancy nie, maar die uiteinde is nogal iets om te waardeer. Die verskillende groente het verskillende teksture en kleure en geure wat dit nogal mooi en baie lekker maak. Dit is ook nie naastenby so swaar soos 'n gewone lasagne nie so jy kan nogal wegle daarin. Dit is ook moeilik om 'n kleintjie te maak want die hoeveelheid groente daarin verleen dit net na 'n groot dis.

Aangesien ek dit nie self gemaak het nie is dit ook moeilik om 'n spesifieke resep te gee, maar kom ek probeer:

Gwynneth se Groente Lasagne



Groente en ander bestandele:
Wat in die een ingekom het is letterlik iets van alles-
2 Pakkies geroomde spinasie
Boontjies
Greenpepper
Butternut
Rooi Patat
'n pakkie woolies gemengde groente - broccoli, wortels, ens
Groot blik Tamatie Puree
1 Blik tamaties
1 pakkie Sampioene
Knoffel huise of twee
Cheddar kaas
Brie kaas
Mozzarella kaas
Witsous
Lasagne
Speserye

Maak van die groente bietjie gaar, microwave of kook dit. Dit moenie oorgaar wees nie, net so dat wanneer die lasagne reg is die groente ook reg is.
Meng al die groente in 'n bak saam met die tamatiepuree en geroomde spinasie om 'n lekker mengsel te maak. Gooi hierin ook enige verdere speserye en sout. In die een het sy mediteranean vegetable seasoning ingegooi.

Maak 'n lekker lang witsous.

Vir die inpakslag:
Groente - Witsous - Lasagne - Groente - Brie kaas in repies gesny - Witsous - Lasagne - Groente - Cheddar kaas - Groente - Witsous - Mozzarela kaas

Bak die bedryf nou in oond van omtrent 140 Celcius vir omtrent 'n uur. Verhoog die temperatuur vir die laaste 10 min sodat die kaas lekker inbak. (Of sit die gril aan vir 'n rukkie)

Mooibly!
Dirk

Thursday 19 August 2010

Gedagtes oor kerrie

Twee blog posts in een week! Dis 'n eerste, maar ek bevind myself terwyl dit so koud is baie aan kos dink en wat is nou lekkerder as 'n kerrie in die winter... Ek is ook in die gelukkige posisie om nie meer so alleen te eet nie en om te deel maak lekker kos nog lekkerder.

Toe ek nog 'n kinner was het my pa altyd die kerrie gekook want my ma was totaal en al anti "brand" kos. Net die gedagte aan peper het die kos vir haar oneetbaar gemaak, maar my pa het gehou van kerrie.
Ek onthou my pa het altyd alles eers gekook en vir my ma van die "vaal" kos uitgeskep voordat enigiets wat mag sterk wees bygegooi is. Hy het dan 'n mengsel in 'n beker aangemaak - Mrs Balls se chutney, borrie, kerriepoeier en asyn. Dit is dan oor die gaar kos gegooi en deurgekook vir die kerrie. Dis is dan hoe ek kerrie onthou.

Ek is die laaste ruk gelukkig genoeg om in Kaapstad saam met mense te werk wat kerrie Kaapse Malay styl kan maak en ek het 'n paar tips gekry oor kerrie en spices en die gebruik daarvan. Een van die kerries wat nogal vir my uitstaan is hoenderkerrie. Miskien is dit omdat dit baie lekkerder is as die hoenderkerrie wat ek ken, dit nie soet is nie en die eenvoud daarvan dit nog lekkerder maak. Die geur van die speserye daarin is ook net ongelooflik lekker.

Dit word gemaak met heel hoenderborsies met vel en bene en als. Dit word dan net so in blokkies gesny en gebruik vir die kerrie. As jy die PT wil doen, fillit dit, maar hou die vel aan. Daar kom ook 'n ongelooflike hoeveelheid speserye in. Omdat die hoender redelik vinnig neem om gaar te kook, kan die aartappels saam met die rou hoender ingesit word en as die aartappels gaar is, is die kerrie reg. 'n Bietjie variasie hierop is om witwyn te gebruik om die kerrie in te kook. Maak ook bietjie cheat witsous/roux om die sous dik te kry as jy wil. Ek het reeds in 'n vorige blog geskryf van die cheat witsous.

Hoenderkerrie SBR Styl

Bestandele:
Barishap (Fennel saad) ((Of Finkel in Afrikaans))
Jeera (Cumin saad)
Heel Kaneel
Heel swart peper of gemengde peper korrels
Growwe sout
Gemmer
Knoffel
Heel Koljander (Dhania saad)
Vars Dhania (Vars Koljander - blare)
Leaf Masala / Kerrie poeier
Chillies (opsioneel)
Borrie
Olyfolie
Water of ander vloeistof vir kook.
Hoender borsies, fillete of heel met vel
Aartappels
Uie

Vir speseryemengsel:
In "pestel en mortar" maak saam fyn die  -  peper, sout, fennel saad,
heel koljander saad, heel Cumin.
Meng die gemaalde speserye saam met borrie en masala/kerrie poeier.
(Hoeveelhede - min of meer halwe teelepel van elkeen - maar dit is na
skatting - Fennel saad het baie sterk geur, so minder kan gebruik word
- kerrie, borrie en chillies na smaak en sterkte)

Sny uie ringe, knoffel fyn en gemmer repies.
Braai uie, knoffel, gemmer en chillies in olyfolie en skep uit pot.
Braai hoender in pot in olyfolie.
Sit opgesnyde aartappels op hoender en skep die gebraaide uie mengsel bo-op.

Steek kaneelstokkies tussenin.
Strooi speseryemengsel bo-oor.
Gooi twee koppies water of witwyn in en kook tot aartappels sag is.
(Stoompot 10 min)

Sny 'n handvol vars Dhania fyn, meng grootste gedeelte in gaar kerrie
in en prut vir 2 of 3 minute. Gebruik die res vir garneersel.

Sit voor saam met bruinrys of geelrys of basmati rys of rootis of naan brood of kaboemielies of so iets.

Geniet dit!
Dirk