Sunday 5 September 2010

Wenner Pikekpot

Hierdie was seker omtrent die eerste potjie wat ek in my eie potjie gemaak het. Daaityd was dit in 'n nommer driekwart potjie. As enigeen 'n idee het van hoe klein dit is. As een mens baie eet is dit genoeg... Die storie is dat ek ingeskryf het vir 'n potjiekoskompetiese by 'n kampplek in die no 3/4 potjie. Dit was jare gelede, vorige leeftyd. Een ou kom toe daar na my toe toe ek nog so lekker staan en potjie maak in die kompetisie en se dat hy hoor ek gaan 'n pocket aartappels in die potjie gooi! Nou daar kan net twee aartappels inkom as jy beplan om vleis in te gooi. Ek dink ek het derde plek of so iets gekry vir my pot en die beoordelaars het na die tyd vir my gese dat ek loshande sou wen as ons enigiets anders as die kampplek se tafeltjie en borde daar gehad het vir bediening. Nou daai pot was lekker!

Sedertdien het ek al variasies gemaak en dit weer so probeer kry, maar kon dit nog nie weer heeltemal so reg kry nie. Dink dit het te doen met die no 3/4 potjie en die verhouding van die lekkerrr bestandele daarin. Een van die variasies is dat ek op Ceres in die jaarlikse potjiekos kompetiese 'n krokodil pot gemaak het soortgelyk hieraan en die het ook derde plek gekry. Maar ek dink dit was omdat van die beoordelaars bietjie gegril het vir die gedagte dat hulle krokodil eet.

Gister het ek dit weer so soortvan reggekry, maar weereens met variasies, maar ek dink die variasies is dalk 'n verbetering. Buiten vir die pot, dit was 'n nommer 6 pot!

Die geheim van die hoenerpot is swart mushrooms, room en baie knoffel en iets gerook (nie iets van wat jy rook nie, iets wat gerook is in die pot!) Die swart mushrooms kook nie weg nie en raak soortvan 'n hoofbestandeel in die pot. Die gerookte iets is ook net so belangrik, gerookte wors of stuk gammon of enigiets wat 'n lekker rook smaak aan die pot kan gee. Saterdag het ek 'n stuk gerookte kaas ingegooi wat nogal baie baie nice gewerk het. Ek het ook kluitjies gemaak om bo-op (binne in) die pot te sit waar ek ook van die gerookte kaas ingegooi het. Gwynneth was ook nogal baie beindruk hiermee, maar ek is nog steeds van die vermoede dat haar beindrukgeit bybedoelings het... Sy het belowe om pastei te maak van die oorskiet. As die pastei enigiets soos haar muffins is dan is ek in vir 'n treat.

Pikekpot

Fase 1 - Begin van pot
2 groot uie
Handvol of handevol knoffel
Botter
4-6 pikekdye

Braai die uie en knoffel in genoeg botter tot dit mooi lyk. Gooi dan die hoenerstukke in en braai dit ook totdat dit mooi bruin is sonder om dit te brand. Die pot kan maar goed warm wees om dit 'n mooi kleur te gee. Gooi water of ander vloeistof in om die hoener te kook. Moenie soos ek die pikek te lank kook voordat jy met die volgende fases begin nie, jy wil eintlik he die goed moet nog heel wees as jy eet. Belangrikste hier is om jou whiskey inname laag te hou as jy jou pikek nog styf wil he as die pot klaar is.


Fase 2 - groente
10+ groot swart mushrooms
3-4 aartappels
broccoli
2 baba kooltjies in derdes of kwarte gesny
patty pans of baby marrows
Braaisout

Sny die mushrooms in derdes en gooi dit vroeg in die pot. Gooi die aartappels nie lank na die mushrooms in nie. Berei solank die ander groente sodat dit in die pot kan kom as fase 3 begin. As die aartappels reg is kan die pot maar klaargemaak word. Ek verkies om 'n pot eenvoudig te hou, so braaisout is die enigste speserye wat ek ingegooi het, maar van die groen vars variasies gaan nogal lekker werk.

Fase 3 - afhandeling
Witsous of cheat witsous met gerookte kaas- sien vorige blog vir die cheat version
Blok gerasperde gerookte kaas
Room (ten minstens 1 potjie maar meer sal help)
Kaaskluitjies.

Die laaste groente gaan nie baie lank neem om gaar te word nie. So as jy die laaste groente ingooi, gooi sommer die witsous in en sit die kluitjies op. Vir die kluitjies moet die pot 20 min staan sonder om die deksel op te lig. Die pot moenie te warm wees nie anders gaan die witsous die pot laat brand. Dit is seker die moeilikste gedeelte van die pot maak, maar tydsberekening is mos ingebore as jy pot maak, so moenie worry daaroor nie, jy sal weet as dit reg is sonder om te kyk.

O-ja, moenie vergeet om iemand aan te sit om rys op die stoof te maak nie!!

Kaas Kluitjies (Dumplings)
1 koppie meel
1 teelepel bakpoeier
1 geklitste eier
Lekker groot lepel botter
60 ml melk
sout
Handvol gerasperde gerookte kaas.

Vryf die botter in die meel, sout en bakpoeier totdat dit krummels maak.
Gooi die res van die bestandele by en meng.
Skep lepels vol bo-op die pot.

Ek hoop dit word net so geniet soos ek dit geniet het om dit te maak en om dit te skryf!!
Lekker week!
Dirk

Tuesday 24 August 2010

Oor middagetes en takeaways

Vir die afgelope paar maande was ek in die gelukkige posisie om gereeld te kon gym toe gaan. En dit oor middagete tyd van alle tye. Dit het nogal die voordeel gehad dat jy nie in crowds hoef te gaan nie, jy gaan soek nie kos oor middagete nie en jy score regtig meer as 'n uur elke dag deur dit te doen. Ek is bietjie beseer en het vir die afgelope week of wat nie by die gym uitgekom nie. Dis dan wanneer die duiwel in jou oor fluister en vertel van pasteie, samoesas, hoenderbrijanie, Nandos en hamburgers. Daar is mos nou tyd om rond te loop en volgende week is dit mos maar weer terug na normaal. So... nou en dan indulge ek maar die ou blikskottel. Want van volgende week af  IS dit weer protein shakes en gym vir middagete. En vir ekstra justification is 'n breek van roetine ook nogal goed so nou en dan. 

Nou hier in die Kaap is hier nogal heelwat plekke wat takeaways of vinnige middagetes gee wat nogal glad nie sleg is nie en waarde vir geld is. My gunsteling plek is die Eastern Bazaar in Langmarkstraat in die stad. Vir R25 kry jy 'n bak hoenderbrijanie of tandoori gebraaide hoender of ander soorte kerrie wat regtig te veel is om op te eet. Hulle rootis en naan brood is ook glad nie sleg nie. My gunstelling is die tandoori rooti. Dit is 'n rooti wat in die tandoori oond gebak word in plaas van op 'n plaat. Daar is ook heelwat ander geregte en die eerste keer wat jy daar instap is jy oorweldig. Die atmosfeer in die plek is ook nogal baie interesant, dit voel kompleet asof jy in 'n oosterse bazaar is. Baie mense, geraas, chaos en al die reuke van die spicy kos wat daar rondhang. Dit is nou regtig nie 'n vyfster venue nie en die kos is ook nie wat jy gaan kry by 'n fancy restaurant nie, jy eet ook met plastiek messe en vurke maar vir 'n lekker waarde vir geld middagete of vinnige aandete is daar nie baie ander wat dit beat nie.  

Nou van volgende week af is dit weer protein shakes na gym tydens middagtete!!

Beste
Dirk

Saturday 21 August 2010

Groente Lasagne

Hierdie een het ek nie self gemaak nie en was net 'n toeskouer vir die skepping van Gwynneth. Maar dit is so delicious dat ek wel moes vertel daarvan. Ek moet se dat ek nie baie opgewonde was oor lasagne sonder vleis nie maar ek was baie verbaas hieroor.

Basies is dit net pasta met groente en kaas en 'n witsous. Niks fancy nie, maar die uiteinde is nogal iets om te waardeer. Die verskillende groente het verskillende teksture en kleure en geure wat dit nogal mooi en baie lekker maak. Dit is ook nie naastenby so swaar soos 'n gewone lasagne nie so jy kan nogal wegle daarin. Dit is ook moeilik om 'n kleintjie te maak want die hoeveelheid groente daarin verleen dit net na 'n groot dis.

Aangesien ek dit nie self gemaak het nie is dit ook moeilik om 'n spesifieke resep te gee, maar kom ek probeer:

Gwynneth se Groente Lasagne



Groente en ander bestandele:
Wat in die een ingekom het is letterlik iets van alles-
2 Pakkies geroomde spinasie
Boontjies
Greenpepper
Butternut
Rooi Patat
'n pakkie woolies gemengde groente - broccoli, wortels, ens
Groot blik Tamatie Puree
1 Blik tamaties
1 pakkie Sampioene
Knoffel huise of twee
Cheddar kaas
Brie kaas
Mozzarella kaas
Witsous
Lasagne
Speserye

Maak van die groente bietjie gaar, microwave of kook dit. Dit moenie oorgaar wees nie, net so dat wanneer die lasagne reg is die groente ook reg is.
Meng al die groente in 'n bak saam met die tamatiepuree en geroomde spinasie om 'n lekker mengsel te maak. Gooi hierin ook enige verdere speserye en sout. In die een het sy mediteranean vegetable seasoning ingegooi.

Maak 'n lekker lang witsous.

Vir die inpakslag:
Groente - Witsous - Lasagne - Groente - Brie kaas in repies gesny - Witsous - Lasagne - Groente - Cheddar kaas - Groente - Witsous - Mozzarela kaas

Bak die bedryf nou in oond van omtrent 140 Celcius vir omtrent 'n uur. Verhoog die temperatuur vir die laaste 10 min sodat die kaas lekker inbak. (Of sit die gril aan vir 'n rukkie)

Mooibly!
Dirk

Thursday 19 August 2010

Gedagtes oor kerrie

Twee blog posts in een week! Dis 'n eerste, maar ek bevind myself terwyl dit so koud is baie aan kos dink en wat is nou lekkerder as 'n kerrie in die winter... Ek is ook in die gelukkige posisie om nie meer so alleen te eet nie en om te deel maak lekker kos nog lekkerder.

Toe ek nog 'n kinner was het my pa altyd die kerrie gekook want my ma was totaal en al anti "brand" kos. Net die gedagte aan peper het die kos vir haar oneetbaar gemaak, maar my pa het gehou van kerrie.
Ek onthou my pa het altyd alles eers gekook en vir my ma van die "vaal" kos uitgeskep voordat enigiets wat mag sterk wees bygegooi is. Hy het dan 'n mengsel in 'n beker aangemaak - Mrs Balls se chutney, borrie, kerriepoeier en asyn. Dit is dan oor die gaar kos gegooi en deurgekook vir die kerrie. Dis is dan hoe ek kerrie onthou.

Ek is die laaste ruk gelukkig genoeg om in Kaapstad saam met mense te werk wat kerrie Kaapse Malay styl kan maak en ek het 'n paar tips gekry oor kerrie en spices en die gebruik daarvan. Een van die kerries wat nogal vir my uitstaan is hoenderkerrie. Miskien is dit omdat dit baie lekkerder is as die hoenderkerrie wat ek ken, dit nie soet is nie en die eenvoud daarvan dit nog lekkerder maak. Die geur van die speserye daarin is ook net ongelooflik lekker.

Dit word gemaak met heel hoenderborsies met vel en bene en als. Dit word dan net so in blokkies gesny en gebruik vir die kerrie. As jy die PT wil doen, fillit dit, maar hou die vel aan. Daar kom ook 'n ongelooflike hoeveelheid speserye in. Omdat die hoender redelik vinnig neem om gaar te kook, kan die aartappels saam met die rou hoender ingesit word en as die aartappels gaar is, is die kerrie reg. 'n Bietjie variasie hierop is om witwyn te gebruik om die kerrie in te kook. Maak ook bietjie cheat witsous/roux om die sous dik te kry as jy wil. Ek het reeds in 'n vorige blog geskryf van die cheat witsous.

Hoenderkerrie SBR Styl

Bestandele:
Barishap (Fennel saad) ((Of Finkel in Afrikaans))
Jeera (Cumin saad)
Heel Kaneel
Heel swart peper of gemengde peper korrels
Growwe sout
Gemmer
Knoffel
Heel Koljander (Dhania saad)
Vars Dhania (Vars Koljander - blare)
Leaf Masala / Kerrie poeier
Chillies (opsioneel)
Borrie
Olyfolie
Water of ander vloeistof vir kook.
Hoender borsies, fillete of heel met vel
Aartappels
Uie

Vir speseryemengsel:
In "pestel en mortar" maak saam fyn die  -  peper, sout, fennel saad,
heel koljander saad, heel Cumin.
Meng die gemaalde speserye saam met borrie en masala/kerrie poeier.
(Hoeveelhede - min of meer halwe teelepel van elkeen - maar dit is na
skatting - Fennel saad het baie sterk geur, so minder kan gebruik word
- kerrie, borrie en chillies na smaak en sterkte)

Sny uie ringe, knoffel fyn en gemmer repies.
Braai uie, knoffel, gemmer en chillies in olyfolie en skep uit pot.
Braai hoender in pot in olyfolie.
Sit opgesnyde aartappels op hoender en skep die gebraaide uie mengsel bo-op.

Steek kaneelstokkies tussenin.
Strooi speseryemengsel bo-oor.
Gooi twee koppies water of witwyn in en kook tot aartappels sag is.
(Stoompot 10 min)

Sny 'n handvol vars Dhania fyn, meng grootste gedeelte in gaar kerrie
in en prut vir 2 of 3 minute. Gebruik die res vir garneersel.

Sit voor saam met bruinrys of geelrys of basmati rys of rootis of naan brood of kaboemielies of so iets.

Geniet dit!
Dirk

Wednesday 18 August 2010

Kool Pizza

As jy vir my moes vertel van pizza wat van kool gemaak is dan sou ek ook vir jou gese het jy is van lotjie getik. Maar ek WIL vertel van kool pizza.

Een van my gunsteling resepte sites, http://www.101cookbooks.com/ het ek een slag gelees van Japanese Pizza en dit het nogal heel interesant gelyk. Die Japanese naam is Okonomiyaki wat vertaal blykbaar beteken "net soos jy daarvan hou". Nou dit is nogal 'n heel gepaste naam daarvoor want jy kan letterlik daarmee maak net waarvan jy hou. Wat dit basies is is kool fyn gesny met nog iets daarby, uie fyn gesny, spinasie of enige blare groente gaan werk. Dit word met meel gemeng sodat die kool en goed met meel bedek is. Daar word dan 'n eier of twee goed ingemeng sodat dit soortvan 'n degie maak. Dit word dan in die pan gebak soos 'n waferse pannekoek.

Die mengsel moet lekker vasgedruk word in die pan. Die omdraai slag is nogal tricky want die ding gaan uitmekaar val as dit met 'n spaan probeer omdraai. Gebruik 'n bord en sit dit onderstebo bo-op die basis in die pan. Keer dan die pan om en slide die "pannekoek" terug nadat jy weer bietjie olyfolie in die pan gegooi het. Dit moet nie te lank gebak word nie, die kool moenie sag kook nie, maar dit moet lekker bruin ek crispy aan die buitekant wees. Nou vir die pizza gedeelte kan jy enigiets opsit. Hou dit vegetarian of sit ham of salami of bacon of enigiets daarop. As jy kaas opsit, druk die pan vinnig onder die gril sodat die kaas kan smelt. Onthou net dat as jy dit te lank inlos, die kool gaan sag raak en dit moet juis stewig bly.

Om vir Gwynneth the quote: "Ek is nou al 14 jaar in die kosbedryf en het nog nooit iets so uniek en lekker geproe nie!". Ok, miskien was dit net omdat sy van my hou of omdat sy agter my geld aan is, maar ek moet sê, dis een van daai goed wat baie baie lekkerder is as wat jy kan voorstel dit is. Daar is ook geen guilt betrokke soos 'n gewone pizza nie en dis eintlik verbasend maklik.

(Foto courtesy van Gwynneth se selfoon)
Op hierdie een het ek salami, songedroogde tamaties, vars tamaties, greenpepper, fetakaas en chedderkaas opgesit. Wat baie lekker werk hierby ook is baby marows in ringetjies gesny.

Japanese Kool Pizza
Twee koppies fyn gesnyde kool.
Een koppie fyn gesnyde uie en of spinasie en of ander blaargroente. (Ek het rooi uie gebruik)
2/3 koppie meel
Sout
2 eiers
Net waarvan jy hou vir topping.
Olyfolie vir bak

Dit maak een groot pizza of twee medium pizzatjies.

Meng die sout en meel met die groente totdat dit heeltemal "gecoat" is met die meel. Breek die twee eiers daarby in en werk die eier goed deur. Moenie bang wees om jou vingers te gebruik nie, dit was weer af.
Gooi bietjie olyfolie in medium warm pan en druk/smeer die mengsel in die pan.
Braai totdat dit bruin en crispy is en draai om met 'n bord. Bak anderkant tot bruin en crispy terwyl jy jou toppings opsit. (Kaas maak dit) Druk onder die gril as jy kaas opgesit het. Sny in kwarte en sit voor!!

NJoy!!
Dirk

Friday 23 July 2010

Pesto

Ek het hierdie blog begin deur te skryf van goed wat lekker is om te eet en die ervaringe om dit te maak, maar my lewe het soveel verander en kos het al hoe kleiner rol begin speel dat hierdie blog ook begin raak het aan meer as net kosmaak.

Om iets spesiaal vir iemand spesiaal te maak is die spice van die lewe. Dit wat jy insit in die ete is ook hoe dit ervaar gaan word. Bestandele wat hier saakmaak is die omgee gedeelte, die fun gedeelte, die beplanning gedeelte, die uitsien gedeelte. Partykeer as mens gelukkig is is daar 'n ete wat uitstaan en wat jy tot jy krom is van ouderdom sal onthou. Daarmee se ek nou ook nie dat elke ete wat mens eet of maak 'n dieper betekenis het nie, jinne mens moet partykeer ook net eet omdat jy honger is en kos drasties nodig het.

Een van die kosserasies wat die laaste ruk aan my lewe geraak het is pesto. Basil, knoffel, neute, permesaan of pecorini kaas en olyfolie. Hiervoor het jy 'n pestel en mortar nodig. Verkieslik 'n groot genoeg klip een. Mens kan seker 'n elektriese ding gebruik, maar dit is net nie dieselfde nie. Dit moet fyngedruk en gestamp word om die geure van die bestandele uit te kry. Dit gee ook 'n growwer tekstuur as wat jy dit net elektries verwring. Dit is ook baie lekkerder om te maak as jy dit self fynstamp. Die ding hiermee is om dit net te probeer. Dit is verbasend maklik eintlik. Die bestandele is relatief maklik om in die hande te kry en daar is baie variasies op die tema. Loop maar net in een van die markte waar pesto verkoop word en proe die verskillende variasies en vind bietjie uit wat alles daar ingegooi word. Die gebruike daarvan is ook baie meer as net vir pasta.

Klasieke pesto:
Basil (PnP of WW verkoop dit gewoonlik vars)
Knoffel
Pine nuts, maar ander neute werk ook goed, gebruik jou gunsteling. Persoonlik hou ek van macadamias.
Harde kaas, pecorini of permesaan
Olyfolie

Eksprimenteer met die hoeveelheid van elkeen. Ek gebruik gewoonlik omtrent twee knoffelhuisies per pakkie basil. 'n Handvol neute en 'n handvol fyn gerasperde kaas. Maal die alles fyn in 'n mortar en meng dan olyfolie in.

Een van die lekkerste goed saam met pesto is om dit saam met hoender te gebruik. Sny hoenderborsies repies en meng met die pesto. Bak dit in die oond en dit is 'n ongelooflike maaltyd, gesond ook. Of maak hoender gordon blue met pesto in die hoender. Saam met die kinners oor die naweek het ek 'n rog broodtjie gekoop. Dit is so lekker saam met pesto en geroomde maaskaas.

Cheers!
Dirk

Sunday 27 June 2010

Sprouts en Sole

Ek glo dat mens is die som van 'n paar goed, dit wat jy doen en optree het 'n invloed op wie jy is en hoe jy is.
En dit wat jy in jou liggaam insit is uit die aard van die saak waarvan jou liggaam gemaak word. As jy 'n pakkie chips eet, is die kanse baie goed dat daar van dit wat in die pakkie chips is iewers in jou sisteem gaan agterbly vir baie lank.
As jy gemors insit gaan jou arme liggaam sukkel om die goed te gebruik waarvoor dit nodig is en die wat hy nie kan gebruik nie te sukkel om uit te skei of te bere. Vet is nogal 'n goeie bereplek vir die gemors wat jy nie uitgeskei kry nie en dit is veral handig as jy genoeg eet om vet te he om die gemors te stoor. In die lig van hierdie geweldige insig, wil ek vertel van goeie goed om te eet wat ek op afgekom het...

Sprouts
Nou kyk, ek is nou regtig nie 'n kenner van gesondheidskos nie en wat het alles wat in nie, maar ek weet dat goeie kos nie moet dood en verwerk wees nie, hoe varser, lewendiger en hoe minder geproseseer en verbrand hoe meer voedingswaarde het dit eintlik in.
Sprouts is sade wat onkiem het. Daar is blykbaar ongelooflike goed aan die gebeur met die saad as dit ontkiem en dit is een van die beste goed wat ons as mense kan eet. Dit het aansienlik meer voedingswaarde in as wat jy die saad net so sou geeet het.
Hierdie ou het die konsep nogal nice verduidelik en sy produkte is goed. Ek het een van die sprout stands gekry en dit werk soos 'n bom.


http://www.kitchengarden.co.za/

Dit kan gebruik word in slaaie, op toebroodtjies, in sop, kerrie, stirfry, net verbeelding. Hy het nogal 'n resep op die site vir 'n brood wat nogal uniek is. Een van die veranderinge wat ek gemaak het om te eet is om in plaas van margarien op brood eerder geroomde maaskaas op te sit, saam met sprouts op 'n toebroodtjie of bagel is dit nogal iets besonders en baie baie gesond.

Himalyan Crystal salt
Ek het die voorreg gehad om Joseph van kitchen garden te ontmoet en hy oorreed my toe om te kyk na Hymalyan Crystal salt en dit te probeer. Dit is nie gewone sout nie. Met die oplees oor dit behoort dit iets ongelooflik te wees as die helfte wat daarvan geskryf word waar is. Opgelos in water word dit Sole genoem en dit bevat al die elemente wat jou liggaam nodig het om optimaal te funksioneer.

Genoeg vir 'n Sondagaand!
Dirk

Tuesday 4 May 2010

Groot Veranderinge

Ek weet ek was bietjie stil die laaste paar maande, maar ek het nie veel van kosserasies te vertelle gehad nie want ek het self maar baie boring kos gemaak die laaste paar maande. Vir die wat nie weet nie is ek weer na baie jare single en dit het sy eie challenges. Die voordeel daarvan is dat ek uiteindelik besig is om die ekstra kilos wat ek saamgedra het van ontslae te raak. Ek sal 'n foto insit sodra ek tevrede is dat dit lyk soos ek wil hê dit moet lyk.

Maar aangesien my blog oor kosserasies gaan kan ek miskien iets skryf van die proses waardeur ek is. Daar is aansienlik meer en belangriker goed om moontlik oor te skryf as kos, maar vir hierdie doeleindes moet dit maar lapaside staan. Aan die ander kant is daar ook die sêding dat mens is wat jy eet. Wat mens eet het so 'n belangrike bydrae tot mens se alledaagse welstand dat dit miskien wel een van die belangrikste dinge is wat oorweging moet kry. Daar is baie mense wat soos ek gewig wil verloor en miskien kan my blog dalk vir iemand die bietjie motivering gee om dit te doen.

Wat ek gedoen het die laaste ruk is:
Twee of meer protein shakes 'n dag en een ete = 17kg in 4 maande.
Dis 'n eenvoudige som: Gewigsverlies = energie inname - verbrand vir die dag.
So hou die inname laag en verbrand meer en dit werk dubbeld so goed. Om meer te verbrand bou meer spiere want groter spiere verbrand meer energie. Om minder in te neem, eet eenvoudig minder en beter goed. Dit is regtig so eenvoudig soos dit.

Daar is regtig baie inligting daar buite van diete en kitsgoed wat baie beloftes gee en wat ook werk, maar die bottom line is om gewig te verloor moet jy minder kos inneem as wat jy verbrand, maak nie saak hoe jy daarna kyk nie. Om gesond uit die proses te kom, liggaam en siel, is die uitdaging. Goeie kwaliteit proteine en koolhidrate en so min as moontlik vet is belangrik. Wat ek probeer is om my koolhidraat inname vir die dag minder as 50% van my totale energie vir die dag te hou. Ek probeer sover moontlik vetterige goed uitskakel, maar vermy dit nie. Eet eerder 'n gebakte aartappel in plaas van chips.

Die ander kant van die muntstuk is motivering. My motivering het gekom van 'n egskeiding wat mense se lewe in so mate verander dat jy alles in heroorweging neem. Gesondheid en lewensstyl heel bo aan die lys. Sonder dat jy agterkom is jou lewe in 'n roetine en die roetine is nie regtig wat goed is of wat jy dalk in gedagte gehad het nie, maar dit is maar soos jy is en dit gaan aan. Gee dit 'n paar jaar kans en skielik sit jy met gesondheidsprobleme, bloeddruk, jig, sukkel om jou veters vas te maak. Dan praat ek nie eens van verhoudingsprobleme nie. Ek wil vir enigiemand wat hierdie lees sê dat dit nie te laat is om dinge te verander nie en dat dit absoluut die moeite werd is om dit te doen. Moenie wag dat iets jou dwing om dit te doen nie. Nie net eetgewoontes nie, maar ook lewensstyl en jou uitkyk om die lewe. Ek het vanoggend op die radio gehoor van 'n ouma van 83 wat valskermspring gedoen het! Dan is dit sowaar nie onmoontlik om na 40 fiks te word en goed te lyk nie! Een van my gunsteling quotes is: "You are what you repeatedly do." Logika dikteer dan ook dat as jy stop en verander dit wat jy oor en oor doen dat jy gaan verander.

Genoeg gefilosofeer, ek wil darem ook iets skryf oor wat nice is in die lyn van kosserasies. Een van die goed wat en nogal geniet is bagels. Ek het in 'n baie groot mate brood uitgeskakel, meesal oor praktiese redes. Ek gooi in elk geval die helfte weg elke keer. 


Bagels - een van die beste broodgoed wat ek nog teegekom het. Nie die buns met 'n gat in wat die winkels partykeer verkoop nie. Regte bagels het 'n ander tekstuur en dit kom daarvan dat dit eers gekook word voordat dit gebak word. Ek koop gewoonlik sommer 'n paar dosyn op 'n slag, sny hulle deur en gooi dit in die vrieskas. Soos wat ek een nodig kry haal ek dit uit en pop dit so gevries in die toaster en voila, dit is net so lekker soos dit vars was. My aandetes bestaan gewoonlik uit 'n blikkie tuna op 'n bagel. Daar is oneindige variasies van die tema, avo by dit, mayonaise, sprouts, slaaiblare, roomkaas, maaskaas, chillie. Net verbeelding.
Die enigste plek wat ek van weet wat regte bagels verkoop in die Kaap is New York Bagels in seepunt. Die ander opsie is bak dit self. Google net "bagle recipies" en eksperimenteer bietjie. Ek het dit al gemaak en dit is baie nice. Kyk vir 'n resep wat vra dat die deeg oornag in die yskas staan voor dit gekook en gebak word, dit is die beste.

Groete
Dirk

Wednesday 3 March 2010

Oor braaibroodjies en noodles

Deesdae is ek op my eie en kry nie regtig so gereeld die geleentheid om vir ander, of  for that matter vir myself, kos te maak nie. Protein shakes werk in elk geval beter vir die tjoep.


Maar mens moet eet ook en waarom dan nie dit die moeite werd maak nie.

Wat is 'n braai sonder 'n braaibroodtjie?
Iets wat hulle op ‘n pizza doen het my nogal die idee gegee om roomkaas te probeer. Na ‘n paar probeerslae dink ek ek het die beste metode uitgefigure:
Van bo na onder moet die volgende die presiese volgorde wees, ander volgordes werk net nie dieselfde nie:
  • Sny brood met margarien of botter gesmeer
  • Tamatie baie dik gesny; +- 5 mm.
  • Sout op die tamatie
  • Kaas – gesny, nie gerasper nie, dit hou die tamatie soortvan eenkant ook.
  • Uie, gesny so dun as wat jy kan.
  • Baie swart peper op die uie.
  • Roomkaas op die ander kant se gesmeerde broodjie.
Ek hou van die plein roomkaas, maar ek is seker van die ander geure gaan ook werk. Om die roomkaas te smeer, sit dit net ‘n paar sekondes (10 of minder) in die mikrogolfoond, dit word dan heel sag om te smeer. Moet ook nie skaam wees oor die hoeveelheid roomkaas nie.
Braai die broodjie totdat die kaas in die middel gesmelt het. Dit los vir jou met 'n crispy buitekant en 'n binneste wat sag is sonder om soggy te wees.

Vir die kinders maak ek partykeer net two-minute-noodles. Dit hoef ook nie so bad te wees soos dit uit die pakkie uit kom nie. Met geen ekstra moeite en min koste, kan dit verander word in iets baie besonder. Gooi in die water saam met die noodles en geursel omtrent 'n kwart van die ronde ringe Feta kaas en 'n teelepel botter of margarien. Wat daar uitkom is iets soortgelyk aan die tekstuur en smaak van Risotto. Die kinders (en ek) is mal daaroor!

Laat weet my as iemand dit probeer het of variasies hiervan gemaak het.

Sunday 14 February 2010

Chocolate Moes

Hier is een vir volgende jaar se Valentines dag:

Ek het op 'n stadium gedink dat aangesien ek like van kosmaak ek bietjie meer wil leer daarvan, toe koop en hierdie Amerikaanse Chef boek by Amazon. Die boek vertel toe hoe om sjokolade moes te maak.

Glo my ook, dis baie baie beter as die wat jy in die Spur kan kry of by Woolies kan koop.
Die truuk hiervoor is om nie ge-intimideerd te wees deur die een nie. Dit is nie so moeilik of baie werk soos wat dit dalk mag voorkom nie. Dit is dalk net baie skottelgoed...

5 Eiers
2 teelepels Water
250 ml room
3 slabs (300g) sjokolade (donker/bitter)
45g Botter


Jy het heelwat bakke nodig:
• vir die eierwitte se klits
• vir die room se klits
• glasbak vir die smelt van sjokolade
• glasbak vir die eiergele
• groot bak vir alles se meng
• pot vir water kook

Skei die eiers.

Klits die eierwitte en helfte van die suiker totdat dit styf is (as jy die bak omkeer en dit val nie uit nie is dit reg)

Sny die sjokolade so fyn as wat jy wil of kan, hoe fyner hoe makliker smelt dit.

Vir die smelt van die sjokolade is die beste metode om dit oor stoom te smelt. Om dit te doen gebruik 'n pot met bietjie water, kook die water om stoom te maak. Gebruik glasbak wat bo-op die pot pas om die sjokolade te smelt. Microwave of direk op die plaat werk nie, jy het die geleidelike gladde hitte nodig. Smelt die botter/margarien saam met die sjokolade. Roer aanhoudend totdat alles gesmelt is.

Gebruik dieselfde metode vir die eiergele. 'n Glasbak bo-op die pot met kookwater. Gooi die helfte van die suiker die twee teelepels water by die gele en klits/roer aanhoudend en vinnig oor die stoombad. (Die boek se 15 sekondes) Die eiergele moet "gaar" raak maar nie stol nie. Roer dit totdat dit begin dik en romerig raak. Sodra dit reg is haal onmiddellik van die hitte af en hou aan met roer want die bak is warm en gaan dit nog steeds stol. 'n Draad handklitser werk goed hiervoor. Dit moet nie lyk soos scrambled eiers nie.

Klits die room styf, maar nie te styf nie, dit moet punte maak, maar nie tot botter stadium geklits word nie!

Nou vir die mengslag -
Vou die eiergele in die eierwitte. Gebruik 'n rubber spatula vir die affere. Vat bietjie van die witte en meng dit in die gele sodat dit bietjie ligter is om in te vou.
Doen dieselfde vir die gesmelte sjokolade. Vou dit nou in die eiermengsel. Moenie bekommerd wees as dit nou na 'n flop lyk nie, dit kom reg na die room.
Laastens vou die room in. Jy het sjokolade moes gemaak.

Dit moet koudgemaak word voordat dit opgedien word. Gebruik jou verbeelding oor wie dit gaan eet, wanneer en watse okasie dit is vir die opdiening daarvan. Om dit nog meer dekadent te maak, maak Ganache en sit repies daarvan in en op die moes, maar dis 'n storie vir 'n ander dag.

Ek het al met gemengde sukses 'n chillie variasie gemaak. Moenie gril nie, chillie gaan great saam met shokolade. Die eerste probeerslag het uitgekom soos tameletjie. Ek het probeer om die chillie te infuse deur dit in 'n suikerstroop warm te maak. At least het die my oudste seun geleer chillie eet. Dit het die sterkste, lekkerste chillie-chocolate-tameletjie gemaak!
Met bietjie navorsing het ek gelees iemand stel voor dat die jy die chillies in botter warm maak om die chillie te infuse. Gebruik dan net die botter in plaas van  die van die resep as jy die moes maak. Iemand anders  op die internet het bietjie cayene pepper voorgestel.
As iemand 'n idee het oor hoe om die chillie behoorlik in die sjokolade moes in te kry, laat weet gerus.

In terme van fotos hiervan, verbeel maar hoe lekker dit is, dit is.
Dis glad, romerig, dekadent. Absoluut romanties!

Monday 21 December 2009

Ete-rasies en gedagtes oor motivering.

Hoekom eet 'n mens? Heng, daar is baie meer redes as net omdat jy honger is. Dis lekker, dit laat jou goed voel, dis 'n gewoonte. Of altans dis so ten tye vir heelwat mense. Die meeste van ons het minder nodig as wat ons eet oor die algemeen. As jy baie aktief is, het jy heelwat meer nodig as wanneer jou dag baie passief is.

Hierdie jaar het ek heelwat effort ingesit om by die gym uit te kom, reg te probeer eet en meer gesond te wees. Ek was ook net gedeeltelik suksesvol. Daar is twee redes vir my gedeeltelike mislukking - verkeerd ge-eet en verkeerd ge-oefen. Ek het in die week van Maandag tot Vrydag baie mooi gedoen, gehou by 'n program en baie ge-gym. Van Vrydag tot Maandag was dit soortvan 'n free-for-all. Dan het ek elke naweek 'n gedeelte wat ek in die week bereik het tot niet gemaak. Die vraag is dan hoe kom mens uit hierdie spiraal uit. Moet my nie verkeerd verstaan nie, ek sê nie dat mens nie lekker mag eet nou en dan nie, dit sal darem te erg wees. Die kwessie is om 'n balans te handhaaf en fokus te behou. Die enigste manier om dit suksesvol vol te hou is motivering en sukses. Om met die regte motivering dit te doen, of te begin doen, is die sleutel. Motivering word aangevuur deur 'n doelwit en sukses. Hoe graag jy die doelwit wil bereik gaan jou laat aanhou of laat slaplê. Onbereikbare doelwitte of 'n doelwit wat nagestreef word wat 'n jaar ver lê, gaan jou nou nie juis motiveer om NOU iets daaraan te doen nie.
Om sukses te behaal met iets, kweek selfvertroue en motiveer jou. Deur dus bereikbare korttermyn doelwitte te hê wat jy bereik, sorg dat jy gemotiveer word om aan te hou en nog meer sukses behaal.

Die ander rede waaroor ek gedeeltelik gefaal het is dat ek nie reg ge-oefen het nie. Ek het soos 'n besetene ysters rondgegooi en nie genoeg fiksheid werk gedoen nie. Ek is 'n groot voorstaander vir met gewigte oefen, dit is ongelooflik watse verskil dit maak, maar ek het die fiksheid gedeelte laat agter wee bly. So weereens moet 'n balans gehandhaaf word.

So as ek kan opsom, kry die regte rede waarom jy iets doen, stel bereikbare doelwitte en behaal sukses.

Die ander aspek vir 'n gesonder lewensstyl/figuur of selfs enige iets wat jy wil verander is daar NOOIT 'n kitsoplossing is nie. As dit te goed is om waar te wees, IS dit te goed om waar te wees. Jy gaan nie oornag ryk word deur jou geld vir iemand te gee nie, jy gaan ook nie maar en fiks word deur vir 'n paar dae mooi te eet of vir een of twee keer of self vir 'n week of twee gym toe te gaan nie. Dit gaan bietjie op 'n slag verander word.

Nou ja, ek het hierdie meer geskryf om my eie gedagtes en motivering te fokus, maar miskien kan iemand dit van waarde vind.

My doelwitte vir volgende jaar vir die blog is om meer gesonde goed te pos, nie dat die odd dekadente ding nie sy verskyning sal maak nie.


So vir almal wat belangstelling in die skribbelinge het, geseënde Kersfees vir julle en julle gesinne en mag die Here die jaar wat voorlê vir julle seën!!

Monday 2 November 2009

Kamma Lasagne

Die probleem met lasagne is dat dit duur is, dit is nie maklik om te maak nie en dit neem baie lank.

Die resep het evolve tot waar dit nou is en ek word amper nie meer toegelaat om 'n ander pasta te maak as hierdie een nie. Die kinners en almal hou baie hiervan. Pasta is seker een van my absolute gunsteling goed om te maak. Daar is niks wat so lekker ruik soos gekookte pasta met bietjie olyfolie op nie. Die variasies is ook eindeloos, van caneloni tot handgemaakte spagetti. Vinnig of baie grand. Koud of warm. Oor die jare het my siening en benadering daarvoor ook verander. Ek verkies dit deesdae om dit eenvoudig te hou.

Hierdie een is redelik eenvoudig om te maak en dit bevat drie elemente wat elkeen gechop-en-change kan word soos wat jy bestandele en lus het:
 - Die pasta
 - 'n Tamatiesous
 - 'n Kaassous
Dit word dan in die oond gedruk en hoila!

Die pasta
Ek verkies macaroni, maar enige nie-string tipe pasta kan werk. Deesdae verkies ek ook die wholewheat variasies wat op die mark is, low gi en al die goed...

Tamatie sous
Hierdie is die gedeelte wat die gereg gaan maak. Dit is ook die een wat eenvoudig of baie fancy gemaak kan word. As tamaties volop is of as ek tamaties het wat nie gebruik kan word voor dit gaan sleg word nie, gooi ek hulle onder in die vrieskas. Die gevriesde tamaties hoef net in warm water gegooi te word vir hulle skilletjies om af te trek. Dit is dan baie keer my basis vir die tamatiesous. Ook gewoonlik 'n blikkie tamatie puree of twee. Wyn werk baie goed in die sous. Wit of rooi. Elkeen gee sy eie karakter daaraan. Rooiwyn maak dit 'n baie donker gereg, terwyl witwyn weer 'n vrugtige geur gee.  Beef mince is die klasieke keuse vir die sous, maar bacon werk ook nie te sleg saam met die tamatie nie. Ek verkies ook om vars speserye te gebruik. Origanum en of tiemie en of roosmaryn en of basil. Hang net af wat jy  beskikbaar het of in die hande kan kry.

Witsous / Kaassous
Dit is beide die maklikste en dalk miskien ook die moeilikste deel hiervan. Die basis van van die sous is meel en margarien of botter. Dieselfde volume meel as botter word gebruik. Die meel word in die botter gebraai om die rou meel smaak uit te haal en dit te bind met die vetterigheid. Ek gebruik dan 'n draad hand klitsertie om die melk in die botter&meel te meng en klonte uit te werk. Die sous moet nie te dik wees nie, dit gaan nog verdik saam met die pata in die oond.
Na die basiese sous kan daar ook redelik variasie op wees. Wanneer die sous klaar is en nog warm is, roer dan gerasperde kaas in die sous in. Dit moet nie kook nadat die kaas in is nie. Hoe beter die kaas hoe beter gaan hierdie sous wees. 'n Goeie belee cheddar is onverbeterlik. Bietjie gerasperde permesaan is ook  baie nice. Speserye hierin is bietjie paprieka en cayenne peper. Hierdie selfde sous is ook ongelooflik lekker op gekookte groente soos blomkool of brocolli.
Vir interesantheid word die basiese witsous 'n Bechamel sous genoem en as jy kaas bygooi is dit 'n Mornay sous. Wikipedia het nogal interesante artikels hieroor:
http://en.wikipedia.org/wiki/B%C3%A9chamel_sauce
http://en.wikipedia.org/wiki/Mornay_sauce

Die resep is redelik basies, met steeds die opsie om sekere bestandele en metodiek te verander:



Kamma Lasagne




Kliek op foto om 'n beter beeld te kry.

Bestandele


1 pak wholewheat macaroni.

Vir Tamatiesous:
3 gevriesde tamaties
1 blikkie tamatiepuree
margarien om uie te braai
1 groot ui
300-500g beef mince
Sout
heel koljander
swart peper
fennel saad
2-3 knoffelhuisies
handvol vars speserye (sien bo)
1-2 koppies witwyn/rooiwyn
teelepel suiker

Vir Kaassous
1 liter melk
3-4 eetlepels koekmeel
3-4 eetlepels margarien
sout
1 koppie gerasperde sterk cheddar kaas
1/2 koppie gerasperde permesaan kaas
1/2 - 1 koppie gerasperde mozzarela kaas


Metode

Kook die pasta al dente en skud bietjie olyfolie daarin sodat dit nie te vas sit aan mekaar nie.

Tamatiesous
Skil gevriesde tamaties deur hulle 'n paar minute in baie warm water te laat le. Trek dan die velletjies af en sny in stukke.
Braai die gesnyde ui en knoffel in margarien tot deurskynend. Gooi mince by en braai tot min of meer gaar.
Gooi die wyn, tamaties, tamatiepuree, gemaalde droe speserye, gekerfde vars speserye, sout en suiker by en kook vir omtrent 15-20 min om al die geure te vestig.

Kaassous
Braai die botter en margarien tot dit amper begin bruin word. Gooi die melk bietjie vir bietjie by en roer dit vinnig om te inkorporeer en sodat daar nie klonte vorm nie. Gooi sout by op heirdie stadium. Kook die sous vir 5-10 minute baie stadig, dit moet nie brand nie, roer gedurig. Waneer klaar is, gooi die cheddar en permesaan kaas by en roer totdat dit gesmelt het. Gooi 'n klein bietjie cayene peper en paprieka in en roer deur.

Verhit oond - 180 C
Bespuit of smeer 'n oondbak wat groot genoeg is vir alles.

Gooi die helfte van die kaassous onder in die bak.
Sit die gaar macaroni bo-op die kaassous.
Gooi nou die tamatie op die macaroni en dan die ander helfte van die kaassous op die tamatie. Eindig met die mozzerella bo-op.
Bak dit nou in die oond totdat dit mooi lyk - omtrent 20 - 30 minute.

Bedien saam met mengelslaai.